რევაზ სოხაძე - ბინათმესაკუთრეთა ამხანაგობების პროექტების თანადაფინანსების წესში ცვლილება თანხის ეფექტურად ხარჯვის მიზნით მოხდა

თბილისის მერიის ბინათმესაკუთრეთა ამხანაგობების პროექტების თანადაფინანსების წესში ცვლილების შეტანა იმ აუცილებლობიდან გამომდინარე მოხდა, რომ თანხა ეფექტურად დახარჯულიყო, - ამის შესახებ თბილისის საკრებულოში ურბანული დაგეგმარებისა და საქალაქო მეურნეობის კომისიის თავმჯდომარემ რევაზ სოხაძემ განუცხადა, რომელმაც კომენტარი გააკეთა ფრაქცია „ევროპული საქართველოს“ წევრის დავით ჟღენტის განცხადებებზე.

რევაზ სოხაძის თქმით, თბილისის მერია ამხანაგობების პროგრამების განსახორციელებლად ყოველწლიურად დაახლოებით 28 მლნ ლარს ხარჯავს. დაფინანსების წესში ცვლილების შეტანა კი მოხდა იმ აუცილებლობიდან გამომდინარე, რომ თანხა ეფექტურად დახარჯულიყო.

„ხშირ შემთხვევაში ის კომპანიები, რომლებიც ამხანაგობის თავმჯდომარის დაკვეთით ასრულებდნენ სამუშაოებს, სამუშაოების დასრულების შემდეგ საერთოდ ქრებოდნენ. შესაბამისად, სამუშაოები უხარისხოდ სრულდებოდა. მაჟორიტარი ვარ და უხარისხოდ შესრულებული სამუშაოს გამო, ჩემს უბანში ძალიან ბევრი შემთხვევა მაქვს, უბრალოდ, პასუხს ვეღარავის ვთხოვდით. კომპანიები ქრებოდა. ამ და სხვა მიზეზების გამო მივიღეთ ამ კონკრეტულ წესში ცვლილება, რაც უზრუნველყოფს იმას, რომ უფრო მეტი გარანტიით და უფრო ხარისხიანად მოხდეს კონკრეტული თანხების ათვისება. ამავე დროს, მოქალაქეებისა და ამხანაგობების ჩართულობა გაიზარდოს მათი ეზოებისა და კორპუსების კეთილმოწყობის საქმეში“, – განაცხადა სოხაძემ.

საკრებულოს უმრავლესობის წევრის თქმით, ბუნებრივი პროცესია, რომ გარკვეული ტენდერების ჩაშლა ხდება, შემდეგ კი ახალი ცხადდება.

„შესაძლოა ამ გარდამავალ პერიოდში შეფერხება არსებობდეს, თუმცა ეს ჩვენი ქალაქისთვის იმდენად მნიშვნელოვანი წესია, გარდამავალ პერიოდსაც გავივლით და პროგრამა წარმატებით ამუშავდება“, – განაცხადა კომისიის თავმჯდომარემ.

ამასთან, უმრავლესობის წევრი რევაზ სოხაძე გამოეხმაურა ფრაქცია „ევროპული საქართველოს“ წევრის დავით ჟღენტის განცხადებას, რომ ტენდერში გამარჯვებული კომპანია, „ფინეზის“ დამფუძნებლის მეუღლე მერიაში მუშაობს. დავით ჟღენტის ინფორმაციით, მერიაში ნეპოტიზმის ფაქტთან გვაქვს საქმე.

აღნიშნულს არ ეთანხმება უმრავლესობის წევრი. რევაზ სოხაძისთვის ეს კონკრეტული ფაქტი უცნობია.

„ეს არგუმენტი არ არის. უამრავი კომპანია მონაწილეობს ამ ტენდერებში. დამფუძნებლების ოჯახის წევრები შესაძლოა, მუშაობდნენ მუნიციპალიტეტებში, თუ სამთავრობო სტრუქტურებში. დღეს არანაირი დამადასტურებელი საბუთი არ არსებობს, რომ ამ კომპანიამ ტენდერში იმიტომ გაიმარჯვა, რომ მისი მეუღლე მერიის თანამშრომელია“, – განაცხადა სოხაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს