მიხეილ ჯანელიძე საპარლამენტთშორისო კავშირის (IPU) გენერალურ მდივანს, მარტინ ჩუნგონგს შეხვდა

საქართველოს ვიცე-პრემიერი, საგარეო საქმეთა მინისტრი, მიხეილ ჯანელიძე საქართველოში ვიზიტით მყოფ საპარლამენტთაშორისო კავშირის (IPU) გენერალურ მდივანს მარტინ ჩუნგონგს შეხვდა.

როგორც „ინტერპრესნიუსს“ საგარეო საქმეთა სამინისტროდან აცნობეს, შეხვედრაზე მხარეები მიესალმნენ საქართველოსა და IPU-ს თანამშრომლობას და ხაზი გაუსვეს ურთიერთობების გაღრმავების მნიშვნელობას.

მათივე ცნობით, შეხვედრაზე ყურადღება გამახვილდა საქართველოს ოკუპირებულ ტერიტორიებზე უსაფრთხოებისა და ადამიანის უფლებების კუთხით არსებულ მძიმე მდგომარეობაზე.

“არსებული ვითარების გათვალისწინებით, აღინიშნა, საერთაშორისო საზოგადოების შესაბამისი რეაგირების და ჩართულობის მნიშვნელობა. საუბარი შეეხო სირიის რეჟიმის მიერ საქართველოს ოკუპირებული რეგიონების ე.წ. დამოუკიდებლობის უკანონო აღიარების საკითხს. აღინიშნა, რომ აღნიშნული ქმედებით, ასადის რეჟიმმა მხარი დაუჭირა საქართველოში რუსეთის ფედერაციის სამხედრო აგრესიას, აფხაზეთისა და ცხინვალის რეგიონების უკანონო ოკუპაციასა და წლების განმავლობაში მიმდინარე ეთნიკურ წმენდას. შეხვედრაზე აღინიშნა საქართველოს აქტიური ჩართულობა გაერო-ს მდგრადი განვითარების მიზნების იმპლემენტაციის პროცესში და ამ კუთხით თანამშრომლობის და კოორდინაციის გაღრმავება საპარლამენტო განზომილებაშიც“, - ნათქვამია საგარეო საქმეთა სამინისტროს ინფორმაციაში.

მათივე ცნობით, მარტინ ჩუნგონგი საქართველოში ოფიციალური ვიზიტით იმყოფება. მან მონაწილეობა მიიღო თბილისში 28-29 მაისს საქართველოს პარლამენტის მიერ ორგანიზებულ 2030 მდგრადი განვითარების დღის წესრიგის იმპლემენტაციის კონფერენციაში და ორმხრივი შეხვედრები გამართა ხელისუფლების და საკანონმდებლო ორგანოს წარმომადგენლებთან.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა