საქართველოს ფერმერთა ასოციაციის თავმჯდომარე ნინო ზამბახიძე 2030 წლის მდგრადი განვითარების კონფერენციაზე სიტყვით გამოვიდა

საქართველოს ფერმერთა ასოციაციის თავმჯდომარე ნინო ზამბახიძე 2030 წლის მდგრადი განვითარების დღის წესრიგი-ინპლემენტაციის კონფერენციაზე სიტყვით გამოვიდა და საქართველოს სოფლის მეურნეობის სფეროზე ისაუბრა.

როგორც „ინტერპრესნიუსს“ ფერმერთა ასოციაციიდან აცნობეს, დღესდღეობით, ეკონომიკური განვითარება ერთ-ერთი გამოწვევაა საქართველოსთვის. ზამბახიძის განცხადებით, საქართველოსთვის სიღარიბის შემცირება კვლავ პრიორიტეტად რჩება.

“ჩემთვის დიდი პატივია დღეს ვიყო აქ, როდესაც ჩვენ ვლაპარაკობთ მდგრად განვითარებაზე და იმაზე, რომ არავინ დარჩეს ყურადღების გარეშე. უნდა გვახსოვდეს საქართველოს სამწუხარო რეალობა, რომ ჩვენი ქვეყნის 20% ოკუპირებულია რუსეთის ფერდერაციის მიერ და ასობით ადამიანი არის დარჩენილი ზღვარს მიღმა, მზრუნველობის გარეშე. ჩვენ ვსაუბრობთ 2030 წლის მდგრადი განვითარების დღის წესრიგზე, საქართველო ამ პროცესის მნიშვნელოვანი ნაწილია იმ გამოწვევებით, რომლის წინაშეც ქვეყანა დგას ამ გარდამავალ პერიოდში. საქართველო პატარა, გარდამავალი ეკონომიკის მქონე ქვეყანაა, 3.7 მილიონიანი მოსახლეობით, სადაც მთლიანი შიდა პროდუქტი ერთ სულ მოსახლეზე არის 4000 დოლარი და უმუშევრობის დონე 12%. სამუშაო ძალის ერთი მესამედი თვითდასაქმებულია, როგორც ფერმერი. 1999 წლიდან მოყოლებული, სოფლის მეურნეობაში მთლიანი შიდა პროდუქტი 25%-დან 9%-მდე დაეცა და დღემდე ასეა. საბჭოთა კავშირის დანგრევის შემდეგ, საქართველოს მოსახლეობის ნახევარი გახდა გლეხი - არა იმიტომ რომ ეს მათი არჩევანი იყო, არამედ მათ სხვა გამოსავალი არ ჰქონდათ. თუმცა, ეკონომიკურმა რეფორმებმა და სახელმწიფოს, კერძო სექტორისა და დონორების მხრიდან წამოსულმა ინიციატივებმა, 2012 წლიდან ხელი შეუწყო საქართველოს სოფლის მეურნეობის სექტორის გაძლიერება,“-განაცხადა ნინო ზამბახიძემ.

საქართველოს ფერმერთა ასოციაციის თავმჯდომარის სიტყვით გამოსვლა განათლებისა და ფინანსური უზრუნველყოფის თანაბარი ხელმისაწვდომობის საკითხსაც ეხებოდა.

ნინო ზამბახიძის განმარტებით, ეს არის ერთ-ერთი მნიშვნელოვანი გამოწვევა, რაზეც კერძო სექტორმა მთავრობასთან ერთად უნდა იმუშავოს, რათა დაძლეული იყოს სიღარიბე.

“განათლების ხელმისაწვდომობა დიდი პრობლემაა მაღალმთიან და ეთნიკური უმცირესობებით დასახლებულ ადგილებში, რადგან უმეტესობამ არ იცის ქართული და უფრო მეტიც, მათ მხოლოდ საკუთარი ენა იციან. ეს ადამიანები არიან ყურადღების მიღმა დარჩენილები. როგორც ფერმერსა და ერთ-ერთი ყველაზე დიდი სოფლის მეურნეობის კომპლექსის მფლობელს შემიძლია ვთქვა, რომ სოფლის მეურნეობა არის ძალიან დინამიური და სეზონური. შესაძლებელია დააკონტრაქტო ასობით სიღარიბის მიღმა მყოფი ადამიანი სეზონურობის მიხედვით, მაგრამ არსებობს სოციალური სტატუსი. სიღარიბის მიღმა მყოფ ადამიანებს აქვთ სოციალური დახმარება. სეზონურ სამუშაოზე დათანხმება მათთვის არის დაბრკოლება, რადგან შესაძლებელია მათ დაკარგონ სოციალური დახმარება მთელი წლის მანძილზე. ეს არის ერთ-ერთი მნიშვნელოვანი გამოწვევა, რაზეც კერძო სექტორმა მთავრობასთან ერთად უნდა იმუშავოს, რათა დაძლეული იყოს სიღარიბე“, - განაცხადა ნინო ზამბახიძემ.

ცნობისთვის, კონფერენცია, რომელიც სასტუმრო „რედისონში“ გაიმართა, ორდღიანი იყო, სადაც მონაწილეებმა მდგრადი განვითარების გამოწვევებზე იმსჯელეს და დანერგილი პრაქტიკა და გამოცდილება განიხილეს.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“