დიმიტრი ქუმსიშვილი ევროპის რეკონსტრუქციისა და განვითარების ბანკის ვიცე-პრეზიდენტს ალან პილუს შეხვდა

პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ევროპის რეკონსტრუქციისა და განვითარების ბანკის(EBRD) ვიცე-პრეზიდენტ ალან პილუსთან ბანკის მიერ საქართველოში მიმდინარე პროექტები და სამომავლო თანამშრომლობის ძირითადი მიმართულებები განიხილა.

სამინისტროს პრესსამსახურის ინფორმაციით, შეხვედრა გაერთიანელ სამეფოში, ლონდონში ევროპის რეკონსტრუქციისა და განვითარების ბანკის ოფისში შედგა და მას ასევე დაესწრნენ საქართველოს ეროვნული ბანკის პრეზიდენტი კობა გვენეტაძე და პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე.

შეხვედრაზე პირველმა ვიცე-პრემიერმა დიმიტრი ქუმსიშვილმა დეტალურად ისაუბრა საქართელოს ეკონომიკურ ტენდენციებზე, მიმდინარე და დაგეგმილ რეფორმებზე, მათ შორის, საკრედიტო - საგარანტიო მექანიზმის ამოქმედებაზე, რომელმაც განსაკუთრებული ბიძგი უნდა მისცეს საქართველოში მცირე და საშუალო ბიზნესის განვითარებას. შეხვედრაზე ასევე ყურადღება გამახვილდა პროექტებზე, რომლებიც ევროპის რეკონსტრუქციისა და განვითარების ბანკის დაფინანსებით ხორციელდება საქართველოში. მათ შორის, პროექტებზე, რომლებიც ენერგოეფექტურობისა და ენერგიის განახლებადი წყაროების უკეთ გამოყენების მიმართულებით.

აღინიშნა, რომ საქართველო ლიდერია რეგიონში ერთ სულ მოსახლეზე ევროპის რეკონსტრუქციისა და განვითარების ბანკის დაფინანსების მხრივ, რაც გამოწვეულია ქვეყანაში არსებული სტაბილურობით, ლიბერალური და ბიზნესის განვითარებაზე ორიენტირებული ეკონომიკური პოლიტიკითა და საინვესტიციო შესაძლებლობებით.

შეხვედრის დასასრულს, მხარეებმა სამომავლო თანამშრომლობის ძირითადი მიმართულებები განიხილეს და პრიორიტეტულ პროექტებზე ისაუბრეს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს