ბავშვის მძევლად აყვანის ბრალდებით დაკავებულ ცოლ-ქმარს ბრალი ოფიციალურად წარედგინა

ბავშვის მძევლად აყვანის ბრალდებით დაკავებულ ცოლ-ქმარს ბრალი ოფიციალურად წარედგინა, - ამის შესახებ " ინტერპრესნიუსს" ბრალდებულების ადვოკატმბაჩუკი ყურაშვილმა განუცხადა. მისივე ინფორმაციით, დაკავებულები ბრალს არ აღიარებენ.

"საქმის მასალებს გადმოგვცემენ პოლიციაში და გამოკითხვებსაც გავეცნობით შესაბამისად. ამ ეტაპისთვის ბრალდებულებმა დააფიქსირეს თავიანთი პოზიცია და თავს დამნაშავედ არ მიიჩნევენ" , - აღნიშნა ბაჩუკი ყურაშვილმა.

აღკვეთის ღონისძიების შეფარდების შესახებ ზუგდიდის რაიონული სასამართლო ხვალ იმსჯელებს. ახალგაზრდა ცოლ-ქმარი ზუგდიდში გუშინ საღამოს, საკუთარ საცხოვრებელ სახლში დააკავეს. მათ არასრულწლოვანი გოგონას მძევლად აყვანას ედავებიან. გავრცელებული ინფორმაციით, ბრალდებულებმა გოგონა ვალის სანაცვლოდ წაიყვანეს. თუმცა ამ მიზეზს მეზობლები კატეგორიულად უარყოფენ. მათი ინფორმაციით, ე.კ-მ და ვ.ა- მ ბავშვი რამდენიმე დღის წინ თათარიშვილის ქუჩაზე არსებული დევნილთა ჩასახლებიდან წამოიყვანეს, თუმცა არა მძევლად აყვანის მოტივით.

შს სამინისტროს ინფორმაციით, ცოლ-ქმარს ბრალად მძევლად ხელში ჩაგდება (სს კოდექსის 144-ე მუხლის მეორე ნაწილი) ედებათ. აღნიშნული ქმედება 9-დან 14-წლამდე თავისუფლების აღკვეთას ითვალისწინებს.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში