საერთაშორისო ორგანიზაციის „რეპორტიორები საზღვრებს გარეშე“ გენერალური დირექტორი კრისტოფ დელუა რუსი ჟურნალისტის არკადი ბაბჩენკოს მკვლელობის ინსცენირების გამო უკრაინის უშიშროების სამსახურისადმი უკმაყოფილებას გამოთქვამს. ამის შესახებ მან „ტვიტერის“ პირად გვერდზე დაწერა.
„RSF გამოხატავს ღრმა შეშფოთებას უკრაინული სპეცსამსახურის მანიპულაციასთან დაკავშირებით საკუთარ საინფორმაციო ომში. სახელმწიფოებისთვის ყოველთვის ძალიან საშიშია ფაქტებით თამაში და უფრო მეტიც, ჟურნალისტების ზურგზე თამაში“, - დაწერა დელუამ.
მოგვიანებით თავისი კომენტარის ბოლოს მან აღნიშნა, რომ ორგანიზაციაში, რა თქმა უნდა, ძალიან გაუხარდათ, რომ ბაბჩენკო ცოცხალი აღმოჩნდა.