თსუ-სა და შპს „გეოპლანტს“ შორის თანამშრომლობის მემორანდუმი გაფორმდება

ივანე ჯავახიშვილის სახელობის თბილისის სახელმწიფო უნივერსიტეტსა და შპს „გეოპლანტს“ შორის დღეს, თანამშრომლობის მემორანდუმი გაფორმდება.

როგორც „ინტერპრესნიუსს“ თსუ-დან აცნობეს, მემორანდუმს ხელს თსუ-ს რექტორი გიორგი შარვაშიძე და შპს „გეოპლანტის“ დირექტორი მიხეილ ჭკუასელი მოაწერენ.

„მემორანდუმის ფარგლებში, მხარეების თანამშრომლობის მიზანია ისტორიული და კულტურული მემკვიდრეობის და სამუზეუმო ღირებულების ნივთების მოძიება-შენახვა, ქვეყნის ეროვნული საგანძურის შევსება, გამრავალფეროვნება და მომავალი თაობებისთვის გაცნობა. მათ შორის, თბილისის სახელმწიფო უნივერსიტეტი და შპს „გეოპლანტი“, ითანამშრომლებენ შოთა რუსთაველის „ვეფხისტყაოსნის“ აფორიზმებისა და შესაბამისი თარგმანების, რეპროდუქციების მოძიების კუთხით.

შპს „გეოპლანტი,“ თავის მხრივ, მზაობას გამოხატავს ითანამშრომლოს უნივერსიტეტთან დასახული მიზნების მისაღწევად და კომპანიის მიერ წარმოებული ჩაის რეალიზაციიდან შემოსული თანხიდან ნაწილი გადარიცხოს „ქართული უნივერსიტეტის საზოგადოების“ საბანკო ანგარიშზე“, - აღნიშნულია თსუ-ს მიერ გავრცელებულ ინფორმაციაში.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა