„მეღვინეობა ხარებამ“ ღვინის კონკურსზე Citadelles du Vin-ზე ოქროს მედალი და SPECIAL PRIZE GEORGIA-ს ტიტული მოიპოვა

ერთ-ერთ ყველაზე პრესტიჟულ ღვინის კონკურსზე Citadelles du Vin-ზე, რომელიც ყოველწლიურად საფრანგეთის ქალაქ ბორდოში ტარდება, “მეღვინეობა ხარებას“ „მწვანე 2017“ თეთრმა ღვინომ ოქროს მედალი და SPECIAL PRIZE GEORGIA მოიპოვა. ამის შესახებ „ინტერპრესნიუსს“ „მეღვინეობა ხარებიდან“ აცნობეს.

მათი ინფორმაციით, კონკურსი Citadelles du Vin,  OIV-ის პატრონაჟით ტარდება. აღნიშნული ღვინის კონკურსის წევრია ორგანიზაცია VINOFED - მთავარი საერთაშორისო კონკურსების ასოციაცია, რომელიც მსოფლიოს 12 ძირითად ღვინის კონკურსს აერთიანებს; მათ შორისაა Citadelles du Vin.

ყოველწლიურად მაისის თვეში მსოფლიოს ტოპ 50 ღვინის დეგუსტატორი ერთმანეთს რამდენიმე დღით ხვდება, რათა მსოფლიოს 30 ქვეყნიდან საუკეთესო ღვინოები გამოავლინონ.