ზაზა სარალიძე - მივმართავ ყველა პოლიტიკურ ძალას, მმართველ გუნდს, ასევე ყველა კომპეტენტურ პიროვნებას - დამიდექით გვერდით

სად არიან ხელისუფლების წარმომადგენლები, რატომ არ მიდგებიან გვერდით? – ამის შესახებ ხორავას ქუჩაზე მოკლული მოზარდის მამამ ზაზა სარალიძემ მთავარ პროკურატურასთან განაცხადა.

მისი თქმით, საჭიროა დაისაჯოს ყველა მკვლელი, ასევე ის პირები, ვინც მკვლელებს აფარებს ხელს.

„სად არიან ხელისუფლების წარმომადგენლები, რატომ არ მიდგანან გვერდით. ეკა ბესელია პირდაპირ ეთერში რომ „მეხიშიპებოდა“, რატომ არ დგას ჩემს გვერდით? მივმართავ ყველა პოლიტიკურ ძალას, მმართველ გუნდს, ასევე ყველა კომპეტენტურ პიროვნებას, არ აქვს მნიშვნელობა ძალოვანი უწყების წარმომადგენელი იქნება თუ პროკურატურიდან, დამიდექით გვერდით. სისტემამ ჩემი მოკლული შვილის სული შეურაცხყო. მე ვითხოვ ყველა მკვლელის დასჯას, ასევე დაუყოვნებლივ ვითხოვ პასუხისგებაში მიეცეს შოთაძე საქმის გაყალბებისთვის“, – განაცხადა სარალიძემ.

დღეს სასამართლომ ერთ-ერთი ბრალდებული დავით სარალიძის მკვლელობის ნაწილში გაამართლა, ხოლო მეორე ბრალდებულს ბრალი გადაუკვალიფიცირა და მკვლელობის მცდელობაში ცნო დამნაშავედ.

ხორავას ქუჩაზე მოზარდების მკვლელობის საქმის 4-თვიანი სასამართლო განხილვა 30 მაისს დასრულდა. ვინაიდან საქმეში არასრულწლოვნები ფიგურირებენ, არასრულწლოვანთა მართლმსაჯულების კოდექსიდან გამომდინარე, სასამართლო სხდომები დახურული იყო.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში