„თამბაქოს კონტროლის ალიანსის“ ხელმძღვანელი - შესაძლოა, თამბაქოს მოხმარება კაზინოებშიც აიკრძალოს, ასევე გაუქმდეს სალიცენზიო პირობები სიგარბარებთან დაკავშირებით

უახლოეს მომავალში შესაძლოა, თამბაქოს მოხმარება კაზინოებშიც აიკრძალოს, ასევე გაუქმდეს სალიცენზიო პირობები სიგარბარებთან დაკავშირებით,- ამის შესახებ „თამბაქოს კონტროლის ალიანსის“ ხელმძღვანელმა გიორგი ბახტურიძემ ჟურნალისტებს განუცხადა.

მისივე განმარტებით, „თამბაქოს კონტროლის ალიანსმა“ აკრძალვის მოთხოვნით პარლამენტს უკვე მიმართა და განხილვებიც დაწყებულია. ბახტურიძე იმედოვნებს, რომ საკანონმდებლო ორგანოში მხარს დაუჭერენ კაზინოებში მოწევის აკრძალვასა და სიგარ-ბარებთან დაკავშირებით სალიცენზიო პირობების გაუქმებას.

ბახტურიძის განმარტებით, კანონში ცვლილებების შეტანის მიზეზი გახდა ის, რომ სათამაშო ბიზნესის ასოციაციამ, რომლის შემადგენლობაში სლოტკლუბები და ტოტალიზატორები შედიან, მოთხოვნა წამოაყენა, რომ თამბაქოს მოხმარება ამ ობიექტებშიც დასაშვები იყოს.

„კანონი ცოცხალი ორგანიზმია და დროთა განმავლობაში კიდევ უნდა დაიხვეწოს. კიდევ არსებობს რაღაც პრობლემები, აქედან გამომდინარე, ერთ-ერთი პრობლემა იყო კაზინოები. კაზინოებში, ჯერჯერობით არ არის აკრძალული მოწევა. კაზინოების რიცხვიც არ არის საკმაოდ მნიშვნელოვანი, თუმცა ჩვენ მაშინაც, როდესაც ეს მუხლი განიხილებოდა, ვიყავით კატეგორიული წინააღმდეგი იქიდან გამომდინარე, რომ ნებისმიერი ადამიანი ვინც დასაქმებულია ამ ბიზნესში სერიოზული ზეგავლენის ქვეშ არის. იცით, რომ მათ 24 საათიან რეჟიმში უწევთ თამბაქოს კვამლისგან გაუნიავებელ შენობაში ყოფნა. დახურული სივრცეა თავიდან ბოლომდე და კატასტროფული მდგომარეობაა იქ დასაქმებული ადამიანების ჯანმრთელობის თვალსაზრისით. ამიტომ ჩვენ კატეგორიული წინააღმდეგი ვიყავით, რომ იქ დაშვებულიყო ასეთი გამონაკლისი. ამის დამცველები პარლამენტის კონკრეტული წევრები იყვნენ. იყო ასეთი მოსაზრება, მაგალითად, თუ ჩვენ ავკრძალავთ კაზინოში მოწევას თურქეთიდან და აზერბაიჯანიდან ჩამოსული ადამიანები (ვინაიდან ამ ქვეყნებში აკრძალულია კაზინოში თამაში) წავიდოდნენ კვიპროსში, სადაც არ არის აკრძალული მოწევა. თუმცა, მე შორს ვარ იმ აზრისგან, რომ მხოლოდ მოწევის გამო შედიან კაზინოში. რამდენიმე კვირის წინ კი სათამაშო ბიზნესის ასოციაციამ, რომელზეც პირდაპირ ვაცხადებ, კრიმინალური ბიზნესის ასოციაციაა და ეს განცხადება ეკუთვნის "თამბაქოს კონტროლის ალიანსს", წამოაყენა წინადადება - რადგან კაზინოებში დაშვებულია მოწევა, მოდით, ახლა სხვა დანარჩენ სათამაშო სლოტ-კლუბებში, ტოტალიზატორებში დავუშვათ მოწევა, რაც არის კანონის დასამარების პირველი მცდელობა, რომლის უკანაც, რა თქმა უნდა, მიზანმიმართულად დგას თამბაქოს ინდუსტრია“, - განაცხადა გიორგი ბახტურიძემ.

მისივე თქმით, მოითხოვენ კაზინოებშიც მოხდეს თამბაქოს მოხმარების სრული აკრძალვა და ასევე გაუქმდეს სალიცენზიო პირობები სიგარბარებთან დაკავშირებით.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა