პარლამენტმა ხორავას ქუჩის საქმეზე დროებითი საგამოძიებო კომისიის შექმნის მიზანშეწონილობას მხარი დაუჭირა

პარლამენტმა, ხმათა უმრავლესობით, ხორავას ქუჩის საქმეზე დროებითი საგამოძიებო კომისიის შექმნის მიზანშეწონილობის საკითხს მხარი დაუჭირა. დადგენილების პროექტი, რომელიც საპარლამენტო უმცირესობამ წარადგინა, 84-ხმით, ერთხმად მიიღეს.

დროებით საგამოძიებო კომისიაში პროპორციული წარმომადგენლობის კვოტებს საპროცედურო საკითხთა და წესების კომიტეტი განსაზღვრავს, მას ბიურო დაამტკიცებს, მოხდება კომისიის წევრთა კანდიდატურების წარდგენა, რის შემდეგაც პარლამენტი დროებითი საგამოძიებო კომისიის შექმნის გადაწყვეტილებას უყრის კენჭს.

აღსანიშნავია, რომ პარლამენტის დროებით საგამოძიებო კომისიაში უმრავლესობის წარმომადგენლობა კომისიის წევრთა რაოდენობის ნახევარს არ უნდა აღემატებოდეს. პარლამენტის რეგლამენტის ეს ნორმა  ნიშნავს იმას, რომ საგამოძიებო კომისიაში უმრავლესობის წევრები უმრავლესობით არ უნდა იყვნენ წარმოდგენილი.

დროებითი საგამოძიებო კომისიის მოთხოვნის შემთხვევაში, სახელმწიფო ორგანოები, თანამდებობის პირები, იურიდიული და ფიზიკური პირები ვალდებული არიან, გამოცხადდნენ კომისიაში, წარადგინონ საკითხის გამოკვლევისათვის აუცილებელი დასკვნები და სხვა საჭირო მასალები.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა