მეუფე ზენონი ხელისუფლებას მოუწოდებს, ხალხში სამართლიანობის განცდა აღადგინოს

თანატოლთაგან სიკვდილისთვის უმოწყალოდ გამეტებული დავით სარალიძის და ლევან დადუნაშვილის გულდამწვარო მშობლებო და ოჯახის წევრებო, მიიღეთ ჩვენი თანადგომა და მზრუნველობა დიდ ბრიტანეთსა და ირლანდიაში მცხოვრები მრავალათასიანი ქრისტიანული ქართული თემის სახელით, - ამის შესახებ განცხადებას დმანისისა და ლორე-ტაშირის, დიდი ბრიტანეთისა და ირლანდიის მთავარეპისკოპოსი ზენონი „ფეისბუქის“ საკუთარ გვერდზე ავრცელებს.

სასულიერო პირი საქართველოს ხელისუფლებას მოუწოდებს, რომ ხალხში აღადგინოს სამართლიანობის განცდა.

„თანატოლთაგან სიკვდილისთვის უმოწყალოდ გამეტებული დავით სარალიძის და ლევან დადუნაშვილის გულდამწვარო მშობლებო და ოჯახის წევრებო. მგლოვიარეთა და ჩაგრულთა შეუპოვარო ჭირისუფალო საქართველოს მოქალაქენო!

მიიღეთ ჩვენი თანადგომა და მზრუნველობა დიდ ბრიტანეთსა და ირლანდიაში მცხოვრები მრავალათასიანი ქრისტიანული ქართული თემის სახელით.

ჩვენი მზერა ეს დღეებია შეუჩერებლად მოპყრობილია სამართლიანობისათვის მებრძოლი თქვენი მამაცი და მგრძნობიარე გულებისაკენ. ჩვენი მზერა და მწუხარება მოპყრობილია უმწიკვლო ჭაბუკთა სასიკვდილოდ დასერილი გულების თანა განგმირული თქვენი გულებისაკენ! ასევე მოგმართავთ იმ ახალგაზრდების მშობლებს, რომელთა ხელებმაც შეაჩერეს მათი თანატოლების სიცოცხლის მოტრფიალე გულისცემა: ამაღლდით ყოველგვარ ეგოისტურ გრძნობაზე მაღლა და გააღვიძეთ შვილებში დანაშაულზე პასუხისმგებლობა! ნუ აქცევთ თქვენს შვილებს მოარულ ხიზნებად და მათივე ბოროტების მსხვერპლად!

გამბედაობას გვაძლევს ჩვენ ბატონ ზაზა სალარიძის მაღალი მოქალაქეობრივი პასუხისმგებლობით აღსავსე განცხადება, რომ არ სურს მისი შვილის მეგობრები უსამართლობის განცდის მიზეზით დაადგნენ შურისძიების გზას. მოგმართავთ ხელისუფლებას, დაიცავით და აღადგინეთ ხალხში სამართლიანობის განცდა, რადგან უსამართლობა შობს სიძულვილს და მსხვერპლს.

შეძრწუნებულო საქართველოს შვილებო, იყოს მეფობა თქვენს გულებს შორის სიყვარულის და სამართლიანობის შემოქმედი ღმერთის. ქრისტესში თქვენი სიყვარულის მსახურთა მსახური ზენონი, დმანისისა და ლორე-ტაშირის, დიდი ბრიტანეთისა და ირლანდიის მთავარეპისკოპოსი... ლონდონი 2018 წელი“, - წერია მთავარეპისკოპოსის მიერ გავრცელებულ განცხადებაში.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)