ნინო ლომჯარია - ბავშვები სკოლაში მთავარ პრობლემად ბულინგს ასახელებენ

ძალიან ხშირად, სუიციდისკენ მიდრეკილნი არიან ის ბავშვები, რომლებიც ექვემდებარებიან ჩაგვრას, ფსიქოლოგიურ ზეწოლას სკოლაში და იმ გარემოს, სადაც ისინი ცხოვრობენ, - ამის შესახებ სახალხო დამცველმა ნინო ლომჯარიამ ჟურნალისტებს განუცხადა. ლომჯარია აცხადებს, რომ სერვისები და რეაგირების მექანიზმები სახელმწიფოს არ გააჩნია.

„ძალიან ხშირად, სუიციდისკენ მიდრეკილნი არიან ის ბავშვები, რომლებიც ექვემდებარებიან ჩაგვრას, ფსიქოლოგიურ ზეწოლას სკოლაში და იმ გარემოს, სადაც ისინი ცხოვრობენ. სამწუხაროდ, სერვისები და რეაგირების მექანიზემები იმისთვის, რომ იდენტიფიკაცია გავუკეთოთ ასეთ პრობლემებს და დავეხმაროთ ბავშვებს, არ გვაქვს სათანადოდ განვითარებული ქვეყანაში. ბულინგი არ იყო აქტუალური პრობლემა წლების წინ, ამას საზოგადოება არასერიოზულადაც კი აღიქვამდა, მაგრამ დღეს ეს არის ერთ-ერთი მწვავე პრობლემა, რომელიც არა მხოლოდ ბავშვებს, საზოგადოებასაც აწუხებს. ჩვენ სოციალურ სივრცეშიც დავინახეთ, რომ ერთ-ერთი ვიდეო ვრცელდებოდა, რომელიც ბავშვზე ძალადობას ასახავდა. ვიხილეთ საგანგაშო შემთხვევები და ამ ყველაფერმა საზოგადოება დააფიქრა, რომ ეს არის მწვავე პრობლემა. თუკი ბავშვებსაც შევხვდებით და დაველაპარაკებით, ვნახავთ რომ ყველაზე მწვავე პრობლემად, რაც მათ სკოლაში აწუხებთ, ბულინგს ასახელებენ“, - განაცხადა ლომჯარიამ.

ცნობისთვის, სასტუმრო „თბილისი მარიოტში“ საქართველოს სახალხო დამცველმა ბავშვთა დაცვის საერთაშორისო დღის ფარგლებში, 2017 წლის საპარლამენტო ანგარიშის ბავშვის უფლებათა თავის პრეზენტაცია გამართა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია