“ევროპული საქართველო გიგა ოთხოზორიას მამის, ზურაბ ოთხოზორიას გარდაცვალების გამო ღრმა მწუხარებას გამოთქვამს.
როგორც პარტიის განცხადებაშია ნათქვამი, საქართველოს სახელმწიფოს პასუხისმგებლობაა, რომ როგორც უშუალოდ ოთხოზორიას მკვლელი, ასევე ყველა ის ადამიანი, რომელიც დღემდე ხელს უშლის მართლმსაჯულების აღსრულებას, მკაცრად დაისაჯოს.
“ღრმა მწუხარებას გამოვთქვამთ გიგა ოთხოზორიას მამის, ზურაბ ოთხოზორიას გარდაცვალების გამო. ვიზიარებთ მისი ოჯახისა და ახლობლების მწუხარებას. რუსულმა ოკუპაციამ ზურა ოთხოზორიას შვილი მოუკლა, მკვლელი კი ჯერ კიდევ არ დასჯილა. თითოეული ჩვენგანისა და საქართველოს სახელმწიფოს პასუხისმგებლობაა, რომ როგორც უშუალოდ მკვლელი, ასევე ყველა ის ადამიანი, რომელიც დღემდე ხელს უშლის მართლმსაჯულების აღსრულებას, მკაცრად დაისაჯოს“, - ნათქვამია პარტიის განცხადებაში.