ბარბარე რაფალიანცის დედა - ჩვენ ერთმა ტკივილმა გაგვაერთიანა, მალხაზს და ზაზას სოლიდარობას ვუცხადებ, როგორც მათი შვილები, ჩემი შვილიც მოკლეს

პარლამენტის შენობასთან მიმდინარე აქციაზე ბარბარე რაფალიანცის დედა მივიდა. მან მხარდაჭერა გამოუცხადა ზაზა სარალიძეს და მალხაზ მაჩალიკაშვილს. თათია მექერიშვილმა სიტყვით გამოსვლისას აღნიშნა, რომ მისი შვილის მკვლელობის საქმე საგამოძიებო უწყებამ თაროზე შემოდო.

„დღეს ჩვენ ერთმა ტკივილმა გაგვაერთიანა. მალხაზს და ზაზას სოლიდარობას ვუცხადებ. როგორც მათი შვილები, ჩემი შვილიც მოკლეს 2012 წლის 30 სექტემბერს. მე- 6 წელია ვეძებ სამართალს, მაგრამ სამართალს ვერ ვიპოვით ამ უსამართლო ქვეყანაში. დღემდე ვეძებ ჩემი შვილის მკვლელებს, მაგრამ ამაოდ, შემოდეს ჩვენი საქმეები თაროზე და აღარ აინტერესებთ. ამიტომ მოდით, ჩვენ დავუდგეთ ამ ადამიანებს გვერდზე და გამოვიძიოთ ეს საქმეები. მე მყავს კიდევ შვილები და ამიტომ არ მინდა ამ უსამართლო ქვეყანაში იზრდებოდნენ და მეშინოდეს, დილით რომ გავლენ ჩემი შვილები, დაბრუნდებიან თუ არა უკან“, - განაცხადა თათია მექერიშვილმა.

პარლამენტის შენობის წინ საპროტესტო აქცია მიმდინარეობს. აქციას სხვადასხვა უნივერსიტეტის სტუდენტებიც შეუერთდნენ. სტუდენტები ლოზუნგით - „სისტემა ისევ კლავს“, სოლიდარობას გამოხატავენ ზაზა სარალიძის ოჯახის მიმართ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“