ცოტნე ანანიძის ინიციატივით, ბავშვთა დაცვის საერთაშორისო დღესთან დაკავშირებით, აჭარის უმაღლეს საბჭოში მოსწავლეებთან შეხვედრა გაიმართა

აჭარის ავტონომიური რესპუბლიკის უმაღლესი საბჭოს ადამიანის უფლებათა დაცვის საკითხთა კომიტეტის ინიციატივით, ამავე კომიტეტის თავმჯდომარე ცოტნე ანანიძე, უმაღლესი საბჭოს თავმჯდომარის მოადგილე მერაბ კარანაძე, კომიტეტის წევრები - ნუგზარ სურმანიძე, ილია ვერძაძე, ბავშვთა დაცვის საერთაშორისო დღესთან დაკავშირებით, სსიპ ქალაქ ბათუმის პირველი, მე-2, მე-18 და ქობულეთის მუნიციპალიტეტის სოფელ ჩაქვის პირველი საჯარო სკოლის მოსწავლეებს შეხვდნენ. როგორც „ინტერპრესნიუსს“ აჭარის უმაღლესი საბჭოს პრესსამსახურიდან აცნობეს, უმაღლესი საბჭოს წევრებმა მოსწავლეებს ბავშვთა დაცვის საერთაშორისო დღე მიულოცეს და ადამიანის უფლებათა დაცვის საკითხთა კომიტეტის საქმიანობის სპეციფიკა გააცნეს. შეხვედრის მონაწილეებმა სკოლებში გამოვლენილ ბულინგის ფორმებზე, მოსწავლეების თვალით დანახულ პრობლემებსა და მათი გადაჭრის შესაძლო გზებზე ისაუბრეს.

საკანონმდებლო ორგანოს სხდომათა დარბაზში გამართულ შეხვედრაზე ამავე თემაზე გაიმართა დისკუსია, რომლის მონაწილეებმაც ძალადობის გამომწვევ მიზეზებსა და მისგან გამომდინარე საფრთხის მინიმუმამდე დაყვანის ღონისძიებებზე იმსჯელეს. მოსწავლეებმა მოისმინეს კანონმდებელთა მოსაზრებები და დაათვალიერეს საკანონმდებლო ორგანოს შენობა.

მოსწავლეებს ადამიანის უფლებათა დაცვის საკითხთა კომიტეტისაგან საჩუქრად ადამიანის უფლებათა საყოველთაო დეკლარაცია (წელს დეკლარაციის მიღებიდან 70 წელი სრულდება), ბავშვის უფლებათა კონვენცია და აჭარის უმაღლესი საბჭოს სასაჩუქრე ჩანთები გადაეცათ.

ცოტნე ანანიძის განცხადებით, ბავშვთა დაცვის მდგომარეობის გაუმჯობესების მიზნით, შეხვედრები გაგრძელდება, როგორც სხვა საჯარო სკოლის მოსწავლეებთან, ასევე სხვადასხვა უწყების წარმომადგენლებთან.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა