ამირან გიგუაშვილი - პერსონების ცვლილება არ წყვეტს პრობლემას, საჭიროა ძირეული, ფუნდამენტური რეფორმის გატარება

კონკრეტულ პრობლემასთან დაკავშირებით, პასუხისმგებლობა უნდა გაიზიაროს ხელისუფლების ყველა წარმომადგენელმა, ვისაც პოლიტიკური თანამდებობა აქვს მოცემულ სიტუაციაში, - ამის შესახებ იურისტმა ამირან გიგუაშვილმა „პალიტრანიუსის“ გადაცემაში „360 გრადუსი“ განაცხადა.

მისი თქმით, პრობლემა არა კონკრეტულ ადამიანებთან, არამედ მართვის სტილთანაა დაკავშირებული. „ადამიანები, რომლებიც სამართალს ელოდებოდნენ, აღმოჩნდნენ უსამართლობის წინაშე და ეს არ არის მხოლოდ სარალიძის ოჯახი. ათეულობით, ასეულობით ასეთი ოჯახია, რომელთა მიმართაც სამართალი არ აღსრულდა“, - განაცხადა გიგუაშვილმა.

კითხვაზე: მაშინ, როდესაც პოლიტიკური პასუხისმგებლობა აიღო და გაიზიარა ირაკლი შოთაძემ და დატოვა თანამდებობა, უნდა გაიზიაროს თუ არა პასუხისმგებლობა თეა წულუკიანმა? - გიგუაშვილმა უპასუხა: „ამ შემთხვევაში, ამ კონკრეტულ პრობლემასთან დაკავშირებით, პასუხისმგებლობა უნდა გაიზიაროს ხელისუფლების ყველა წარმომადგენელმა, ვისაც პოლიტიკური თანამდებობა აქვს მოცემულ სიტუაციაში“.

თუ ჩვენ ვლაპარაკობთ სისტემურ პრობლემაზე, ვლაპარაკობთ გუნდზე, რომელიც ამ სისტემას მართავს. თუმცა, პერსონების ცვლილება არ წყვეტს პრობლემას, საჭიროა ძირეული, ფუნდამენტური რეფორმის გატარება და წარმოდგენა საზოგადოების წინაშე. პირველ რიგში, უნდა იყოს შერჩეული ახალი მთავარი პროკურორი, ობიექტურად ძლიერი პოლიტიკური ფიგურა, მაღალი სანდოობის მქონე, რომელიც დაიწყებს და დაასრულებს იმ პრობლემების აღმოფხვრას, რომელიც მართლმსაჯულების სისტემაში და საპროკურორო ფუნქციებშია“, - განაცხადა გიგუაშვილმა.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)