ფეოდალი ბიძინა ივანიშვილი თუ არ გადააყენებს თეა წულუკიანს, ვპირდები, რომ რამდენიმე რამდენიმე დღეში დავიძრებით და მივადგებით სახლთან, - ამის შესახებ ადვოკატთა ასოციაციის ყოფილმა თავმჯდომარემ ზაზა ხატიაშვილმა ხორავას ქუჩაზე მოკლული მოზარდის მამის, ზაზა სარალიძის მხარდასაჭერ აქციაზე განაცხადა.

მისივე თქმით, სამარცხვინოა ის, რაც სოციალურ ქსელებში დაიწყეს, თითქოს ეს პოლიტიკური აქციაა. "ჩვენ აქ შევიკრიბეთ იმიტომ, რომ სისტემა დავანგრიოთ. მთავარი პროკურორი ირაკლი შოთაძე გადადგა. შოთაძის ხელმძღვანელი თეა წულუკიანი არ უნდა გადამდგარიყო?! გადადგეს წულუკიანი. თუ ფეოდალი ბიძინა ივანიშვილი არ გადააყენებს წულუკიანს, ვპირდები, რომ რამდენიმე დღეში დავიძრებით და მივადგებით სახლთან", - განაცხადა ხატიაშვილმა.