„ქართული ოცნების“ პოლიტსაბჭოს გადაწყვეტილებით, პარტიას 5 მდივანი ეყოლება. როგორც პოლიტსაბჭოს წევრმა და საქართველოს პარლამენტის თავმჯდომარემ ირაკლი კობახიძემ ჟურნალისტებს განუცხადა, დღეს მიღებული გადაწყვეტილებით, პარტიას დამატებით კიდევ ორი ახალი მდივანი ეყოლება.

"დღეს პოლიტსაბჭოს თანამდებობებზე მოხდა პირების დანიშვნა. გენმდივნის თანამდებობას კვლავ კახა კალაძე დაიკავებს. მე კვლავაც ვიქნები პარტიის აღმასრულებელი მდივანი. ასევე, პოლიტიკური მდივანი კვლავ გია ვოლსკი იქნება. დამატებით ორი ახალი მდივნის თანამდებობა შემოვიღეთ. საერთაშორისო მდივნის თანამდებობას თამარ ჩუგოშვილი დაიკავებს და რეგიონული მდივნის პოზიციას - დიმიტრი სამხარაძე“, - აღნიშნა კობახიძემ.