ხორავას ქუჩაზე მომხდარი მკვლელობის საქმის საგამოძებო მასალების შესწავლას ხვალიდან სახალხო დამცველის თანამშრომლები დაიწყებენ

ხვალ დილიდან ჩვენი თანამშრომლები დაიწყებენ აღნიშნული საქმის საგამოძებო მასალების შესწავლას, - ამის შესახებ სახალხო დამცველმა, ნინო ლომჯარიამ, რამდენიმე წუთის წინ გამართულ ბრიფინგზე განაცხადა. ომბუდსმენმა საზოგადოებას მაქსიმალური სიმშვიდისა და სამუშაო რეჟიმში მოქმედებისკენ მოუწოდა.

„ყველა ვთანხმდებით, რომ ხორავას ქუჩის საქმეზე არსებობს კითხვის ნიშნები. ამ კითხვის ნიშნებს სჭრდება პასუხები. სახალხო დამცველი აგრძელებს ამ საქმის მონიტორინგს. აუცილებელია, რომ ხორავას ქუჩაზე მომხდარი მკვლელობების საქმეზე გარდაცვლილი პირების მიმართ მართლმსაჯულება ეფექტურად აღსრულდეს. ხვალ დილიდან ჩვენი თანამშრომლები დაიწყებენ აღნიშნული საქმის საგამოძებო მასალების შესწავლას.

აქვე მინდა მოვუწოდო საზოგადოებას სიმშვიდისკენ. მაქსიმალურად გთხოვთ დიალოგის და სამუშაო რეჟიმში დავაკვირდეთ მიმდინარე საგამოძიებო მოქმედებებს და ჩვენ ვეცდებით ყოველდღიურ რეჟიმში მოგაწოდოთ ინფორმაცია ჩვენი მონიტორინგის შედეგების შესახებ“, - განაცხადა ნინო ლომჯარიამ.

სახალხო დამცველმა ასევე აღნიშნა, რომ ომბუდსმენის აპარატმა სისხლის სამართლის საქმის მასალებიც გამოითხოვა შესაფასებლად და მათ შესწავლას მაშინვე დაიწყებს, როგორც კი აღნიშნიშნული მასალები გადაეცემა.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი