ფეხბურთელების მიმართ მუქარის გამო ისრაელი-არგენტინის მატჩი გაუქმდა

ისრაელსა და არგენტინის ნაკრებებს შორის ამხანაგური თამაში, რომელიც იერუსალიმში უნდა ჩატარებულიყო, არგენტინის ნაკრების ფეხბურთელებისადმი მუქარების გამო გაუქმდა. მუქარის ობიექტი ასევე იყო არგენტინის ნაკრების ლიდერი ლიონელ მესი.

„მას შემდეგ, რაც ლიონელ მესის მოკვლით დაერმუქრნენ, არგენტინის ნაკრების სხვა ფეხბურთელებმა მისადმი სოლიდარობა გამოიჩინეს და გადაწყვიტეს თამაშზე არ გამოვიდნენ. ამგვარი მუქარები ახალი არ არის ისრაელის სპორტსმენებისა და მოსახლეობისთვის. ჩვენ მოუთმენლად ველით ჩვენს მიწაზე არგენტინული სპორტის ერთ-ერთი მთავარი ვარსკვლავის მიღების შესაძლებლობას“, - ნათქვამია არგენტინაში ისრაელის საელჩოს განცხადებაში.

ისრაელსა და არგენტინის ნაკრებებს შორის ამხანაგური თამაში 9 ივნისს იერუსალიმში უნდა ჩატარებულიყო. აღნიშნულმა პროტესტი გამოიწვია პალესტინელებს შორის. პალესტინის ფეხბურთის ფედერაციის ხელმძღვანელმა ჯიბრილ რაჯუბმა მოწოდება გააკეთა, რომ თუ თამაში შედგებოდა და ლიონელ მესი მასში მონაწილეობას მიიღებდა, მისი მაისურები დაეწვათ.

გარდა ამისა, პალესტინელი გულშემატკივრების ჯგუფმა ბარსელონაში არგენტინის ნაკრების ბაზასთან საპროტესტო აქცია მოაწყო. ისინი ისრაელთან ამხანაგური თამაშის გაუქმებას ითხოვდნენ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)