სოფო კილაძის ხელმძღვანელობით საქართველოს საპარლამენტო დელეგაცია აშშ-ში შეხვედრებს მართავს

საქართველოს საპარლამენტო დელეგაცია სოფო კილაძის ხელმძღვანელობით აშშ-ში შეხვედრებს მართავს. როგორც „ინტერპრესნიუსს“ პარლამენტიდან აცნობეს, დელეგაციის შემადგენლობაში შედიან რატი იონათამიშვილი, ირაკლი ბერაია და გიორგი ტუღუში.

მათივე ცნობით, ქართველი პარლამენტარები აშშ-ის სახელმწიფო დეპარტამენტის დემოკრატიის, ადამიანის უფლებათა და შრომის ბიუროს ხელმძღვანელის მოადგილეს კრის რობინსონს შეხვდნენ.

„მხარეებმა ისაუბრეს საკონსტიტუციო ცვლილებებზე, განსაკუთრებით ადამიანის უფლებათა ჭრილში. ასევე, განხორციელებულ და დაგეგმილ რეფორმებზე ადამიანის უფლებათა დაცვის სფეროში. კრის რობინსონი დაინტერესდა ადამიანის უფლებათა კომიტეტის საქმიანობისა და მის მიერ განხორციელებული პროექტების შესახებ. საუბარი ასევე, შეეხო საპარლამენტო ზედამხედველობის გაძლიერებას და მის როლს ამ პროცესში.

შეხვედრაზე მასპინძელმა მხარემ კიდევ ერთხელ დაადასტურა აშშ-ს გვერდით დგომა საქართველოში დემოკრატიული რეფორმებისა და ადამიანის უფლებათა დაცვის სფეროში. მან გამოხატა მზაობა რეფორმების შემდგომი მხარდაჭერის შესახებ, მათ შორის კომიტეტთან მიმართებით. ვიზიტი ხორციელდება აშშ-ში საქართველოს საგანგებო და სრულუფლებიანი ელჩის, დავით ბაქრაძის მხარდაჭერით“, - აღნიშნულია პარლამენტის მიერ გავრცელებულ ინფორმაციაში.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 20.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება