გერმანელი პროფესორები თსსუ-ის გივი ჟვანიას სახელობის პედიატრიის აკადემიურ კლინიკაში პატარა პაციენტებისთვის ოპერაციებს ატარებენ.
როგორც „ინტერპრესნიუსს“ თბილისის სახელმწიფო სამედიცინო უნივერსიტეტიდან აცნობეს, გერმანიის ქალაქ დუისბურგის ყბა-სახის პლასტიკური ქირურგიისა და იმპლანტოლოგიური კლინიკის პროფესორები სულ 11 ოპერაციას ჩაატარებენ შემდეგ პათოლოგიებზე: საფეთქელ–ქვედაყბის ძვლოვანი ანკილოზი; ცხვირის თანდაყოლილი ნაპრალის რეკონსტრუქციული ოპერაცია (რინოპლასტიკა); ზედა ტუჩის თანდაყოლილი ნაპრალის რეკონსტრუქციული ოპერაცია (ჰეილოპლასტიკა); სახის თანდაყოლილი ნაპრალის რეკონსტრუქციული ოპერაცია (ურანოპლასტიკა) და სხვა.
სამედიცინო უნივერსიტეტის რექტორის ზურაბ ვადაჭკორიას განცხადბით, საუბარია ყბა–სახის ურთულეს თანდაყოლი მანკებზე.
თბილისის სახელმწიფო სამედიცინო უნივერსიტეტში გერმანიის ქალაქ დუისბურგის ყბა-სახის პლასტიკური ქირურგიისა და იმპლანტოლოგიური კლინიკის პროფესორები სამედიცინო უნივერსიტეტში ვიზიტით 3 ივნისიდან იმყოფებიან. მათ 4 ივნისს სტომატოლოგიის ფაკულტეტის სტუდენტებისთვის ლექციები წაიკითხეს. ასევე პაციენტებისთვის კონსულტაციები გამართეს.
ზურაბ ვადაჭკორიას თქმით, გერმანელი საპატიო დოქტორები და პროფესორები სამედიცინო უნივერსიტეტში პერიოდულად ჩამოდიან და ლექციებს მართავენ.