გაბრიელ სალოსის გამზირზე მომხდარი მკვლელობის საქმეზე გამოტანილ განაჩენთან დაკავშირებით პროკურატურა განცხადებას ავრცელებს

ნაფიც მსაჯულთა სასამართლომ სრულად გაიზიარა პროკურატურის მიერ წარდგენილი მტკიცებულებები და განზრახ მკვლელობაში ბრალდებული ი.ა. დამნაშავედ ცნო საქართველოს სისხლის სამართლის კოდექსის 108-ე მუხლით. ამის შესახებ განცხადებას მთავარი პროკურატურა ავრცელებს. საგამოძიებო უწყების ინფორმაციით, ბრალდების მხარემ თბილისის საქალაქო სასამართლოში მიმდინარე სასამართლო სხდომებზე ბრალდებულ ი.ა.-ს მიერ ჩადენილი დანაშაულის დამადასტურებელი არაერთი მტკიცებულება გამოიკვლია.

„დაიკითხა ათობით, მათ შორის დანაშაულის თვითმხილველი მოწმე, რომლებმაც უშუალოდ ამოიცნეს ბრალდებული, ასევე გამოკვლეული იქნა წერილობითი და ნივთიერი მტკიცებულებები, მათ შორის მკვლელობის იარაღი - დანა და ბრალდებულის ტანსაცმელი, რომელზეც მოკლულის სისხლი აღმოჩნდა.

სასამართლო პროცესზე გამოკვლეული მტკიცებულებებით დადასტურდა, რომ 2017 წლის 15 სექტემბერს, დაახლოებით 22:40 საათზე, ქ.თბილისში, ბერი გაბრიელ სალოსის გამზირზე მდებარე საცხოვრებელ კომპლექს „დირსის“ მიმდებარე ტერიტორიაზე, ი.ა.-მ შურისძიების მოტივით, განზრახ მოკვლის მიზნით მ.ა.-ს დანით გულმკერდის არეში მიაყენა ჭრილობა და შემთხვევის ადგილიდან მიიმალა. მიყენებული მძიმე დაზიანების შედეგად მ.ა. ადგილზე გარდაიცვალა.

სამართალდამცველებმა ი.ა. 2017 წლის 16 სექტემბერს, ქ. რუსთავში დააკავეს. მას ბრალდება სისხლის სამართლის კოდექსის 108-ე მუხლით (განზრახ მკვლელობა) წარედგინა და აღკვეთის ღონისძიების სახით პატიმრობა შეეფარდა.

ნაფიცი მსაჯულების მიერ გამამტყუნებელი ვერდიქტის საფუძველზე სასამართლომ ი.ა. დამნაშავედ სცნო წარდგენილ ბრალდებაში და სასჯელის სახედ და ზომად 12 წლით თავისუფლების აღკვეთა განუსაზღვრა“, - ნათქვამია პროკურატურის განცხადებაში.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 13.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა