პარტიები „თავისუფალი საქართველო“ და „ქრისტიან-დემოკრატიული მოძრაობა“ იუსტიციის მინისტრ თეა წულუკიანის გადადგომის მოთხოვნით ხელმოწერების შეგროვებას იწყებენ.
როგორც „ინტერპრესნიუსს“ „თავისუფალი საქართველოდან“ აცნობეს, პარტიების ლიდერები კახა კუკავა და გოჩა ჯოჯუა თეა წულუკიანის გადადგომის მოთხოვნით ხელმოწერების შეგროვებას 15:00 საათზე, რუსთაველის მეტროს მიმდებარე ტერიტორიიდან დაიწყებენ.
„თავისუფალი საქართველოს“ ცნობით, კახა კუკავა და გოჩა ჯოჯუა „რუსთაველის მეტროსთან“ საგანგებო განცხადებასაც გააკეთებენ.