დიმიტრი ქუმსიშვილი - საბანკო ჰოლდინგების რეგულაციები დაიხვეწება

არ უნდა გვქონდეს კითხვის ნიშნები, რომ საბანკო სექტორი ემსახურება საბანკო სექტორს და რეალური ეკონომიკა მუშაობს რეალურ ეკონომიკაზე, - ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა საბანკო ჰოლდინგებთან დაკავშირებით, არაპროფილური აქტივების მიმართულებით დაგეგმილი ცვლილებების კომენტირებისას განაცხადა.

ქუმსიშვილის თქმით, უკვე განხორციელებული ცვლილებები ეფექტურია, თუმცა საჭიროა მეტი კონკრეტიკა.

"ბოლო პაკეტში, რომელიც 2017 წელს გავიტანეთ და მიღებული იქნა, გავწერეთ საკმაოდ კარგი რეგულაციები, რომლის მიხედვითაც საბანკო სექტორში დასაქმებულ ან კონტროლის განმახორციელებელ პირს, რომელსაც აქვს წვდომა გარკვეულ ინფორმაციაზე, არ შეიძლება ჰქონდეს ეკონომიკის რეალურ სექტორში ეს ბიზნესი. თუმცა, ახლა ვფიქრობთ კიდევ უფრო მეტ დაკონკრეტებაზე, იმისათვის, რომ საბოლოო ჯამში ჩვენ არ გვქონდეს კითხვის ნიშნები, რომ საბანკო სექტორი ემსახურება საბანკო სექტორს, ხოლო რეალური ეკონომიკა მუშაობს რეალურ ეკონომიკაზე. იქ არ უნდა იყოს ინტერესთა კონფლიქტი, არ უნდა არსებობდეს გადაფარვები და შესაბამისად, ყველამ აკეთოს თავისი საქმე. კონკრეტიკა მოიცავს იმას, რომ დაკონკრეტებული უნდა იყოს თუ რას ნიშნავს კონტროლის მქონე პირი, როგორც საბანკო ჰილდინგებში, ისე რეალურ სექტორში, შემდგომ უკვე ვის რა უფლებები აქვს და ვინ როგორ უნდა იმოქმედოს“, - განაცხადა ქუმსიშვილმა.

მინისტრის განმარტებით, ცვლილებების დრაფტი უკვე არსებობს, თუმცა ჯერ განხილვები უნდა დაიწყოს, მათ შორის პირველ რიგში მთავრობაში.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს