“საქართველოს ბანკის“ პარტნიორობით საქართველოში ფორუმი EuroDIG 2018 გაიმართა

“საქართველოს ბანკის“ პარტნიორობით და საქართველოს ეკონომიკისა და მდგრადი განვითარების სამინისტროს ორგანიზებით, საქართველოში პირველად „ევროპული დიალოგი ინტერნეტმმართველობის საკითხებზე - EuroDIG 2018“-ის ფორუმი გაიმართა.

როგორც „ინტერპრესნიუსს“ „საქართველოს ბანკიდან“ აცნობეს, EuroDIG წარმოადგენს ევროპის ფარგლებში ყველაზე მასშტაბურ, ღია და მრავალმხრივ ევროპულ პლატფორმას მოსაზრებებისა და საუკეთესო გამოცდილების გასაცვლელად - თუ როგორ უნდა იმართებოდეს ინტერნეტი.

„ფორუმის მეშვეობით ინტერნეტსაზოგადოების წარმომადგენლებმა, ამ სფეროში მომუშავე ადამიანებმა მიიღეს მათთვის საჭირო და დეტალური ინფორმაცია ევროპაში ამ მიმართულებით არსებული სიახლეების და ტრენდების შესახებ.

EuroDIG 2018-ის საქართველოში ჩატარება მნიშვნელოვანი მოვლენაა ქართული ინტერნეტსაზოგადოებისთვის. ამასთან, ეს პირველი შემთხვევაა, როდესაც ფორუმი აღმოსავლეთ პარტნიორობის ქვეყანაში, ხოლო მეორე შემთხვევა, როდესაც ევროკავშირის არაწევრ ქვეყანაში ჩატარდა“, - ნათქვამია ბანკის პრესსამსახურის ინფორმაციაში.

მათივე ცნობით, ფორუმში მონაწილეობდნენ როგორც სამთავრობო, ასევე კერძო და არასამთავრობო სექტორის წარმომადგენლები. ჯამში ფორუმში მონაწილეობა მიიღო 400-ზე მეტმა დელეგატმა, მათ შორის კი ევროკომისარმა ციფრული პოლიტიკის მიმართულებით, მარია გაბრიელამ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)