მამუკა ბახტაძე სსფ-ისა და მსოფლიო ბანკის საქართველოს ქვეყანათა ჯგუფის ყოველწლიურ მაღალი დონის შეხვედრაში მონაწილეობს

8-10 ივნისს, საქართველოს ფინანსთა მინისტრი მამუკა ბახტაძე მონაწილეობას მიიღებს საერთაშორისო სავალუტო ფონდისა და მსოფლიო ბანკის საქართველოს ქვეყანათა ჯგუფის ყოველწლიურ მაღალი დონის შეხვედრაში (Constituency Meeting), რომელიც ხორვატიაში, ქალაქ სპლიტში იმართება. ფინანსთა სამინისტროს პრესსამსახურის ინფორმაციით, შეხვედრას ჯგუფების წევრი 15 ქვეყნის (საქართველო, ბულგარეთი, ისრაელი, რუმინეთი, უკრაინა, ბელგია, ლუქსემბურგი, სომხეთი, ბოსნია და ჰერცეგოვინა, ხორვატია, კვიპროსი, მაკედონია, მოლდოვა, მონტენეგრო, ნიდერლანდები) ფინანსთა და ეკონომიკის მინისტრები, ასევე, ცენტრალური ბანკების მმართველები ესწრებიან.

შეხვედრაზე დელეგაციების წევრები განიხილავენ გლობალურ ეკონომიკურ ტენდენციებს, ეკონომიკური განვითარების პერსპექტივას ჩვენი რეგიონის ქვეყნებისთვის. დისკუსიების ერთ-ერთი თემაა ფინანსური ტექნოლოგიების შესაძლებლობები, გამოწვევები და პერსპექტივა ფინანსური ინკლუზიურობის თვალსაზრისით.

მაღალი დონის შეხვედრაში მონაწილეობას მიიღებენ მსოფლიო ბანკის ვიცე-პრეზიდენტი ევროპისა და ცენტრალური აზიის რეგიონში სირილ მიულერი, საერთაშორისო სავალუტო ფონდის აღმასრულებელი დირექტორი ენტონი დე ლანოი, მსოფლიო ბანკის აღმასრულებელი დირექტორი ფრენკ ჰიმსკერკი, საერთაშორისო სავალუტო ფონდისა და მსოფლიო ბანკის ექსპერტები.

ფინანსთა მინისტრის ვიზიტის ფარგლებში გამართული შეხვედრებისას, მოხდება საქართველოში არსებული ეკონომიკური მდგომარეობისა და რეფორმების განხილვა, ფინანსური ტექნოლოგიების შესაძლებლობების კუთხით ქვეყნის გამოცდილების გაზიარება, ასევე, ამ მიმართულებით სხვადასხვა ქვეყნის განვითარების ხედვისა და სამომავლო პერსპექტივის გაცნობა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს