ხორავას ქუჩაზე მოზარდების მკვლელობის საქმეზე შექმნილი საგამოძიებო კომისიის წევრები ელოდებიან, რომ საქმის მასალები კომისიას მაქსიმალურად სწრაფად წარედგინება.

როგორც კომისიის თავმჯდომარემ სერგი კაპანაძემ საორგანიზაციო შეხვედრაზე განაცხადა, საქმის გამოთხოვის მოთხოვნით შესაბამის უწყებას მან უკვე მიმართა და იმედი აქვს, რომ მასალები პარლამენტში დღესვე გაიგზავნება. ამასთან, დიკუსიის საგანი იყო ისიც, თუ სად უნდა გაეცნოს კომისია მასალებს - პარლამენტში, თუ სასამართლოში, თუმცა შეთანხმდნენ, რომ მასალები გაცნობის შესაძლებლობა კომისიის წევრებს პარლამენტში უნდა მიეცეს.

კომისიამ თავმჯდომარის მოადგილედ დეპუტატი ანრი ოხანაშვილი აირჩია, ხოლო კომისიის მდივნად - ოთარ კახიძე.