აშშ-ს პრეზიდენტის დონალდ ტრამპის განცხადებას „დიდი რვიანის“ ფორმატში რუსეთის დაბრუნების აუცილებლობის შესახებ რუსული მხარე გამოეხმაურა. „რუსეთი აქცენტს სხვა ფორმატებზე აკეთებს“, - განაცხადა რუსეთის პრეზიდენტის პრესმდივანმა დიმიტრი პესკოვმა.

შეგახსენებთ, რომ განცხადება „დიდი რვიანის“ ფორმატში რუსეთის დაბრუნების აუცილებლობის შესახებ ტრამპმა G-7 სამიტზე გამგზავრებამდე გააკეთა. „მე მიყვარს ჩემი ქვეყანა. თქვენ იცით, რომ მე რუსეთისთვის კოშმარი ვარ, თუმცა უნდა ვთქვა, რომ რუსეთი „დიდი შვიდეულის“ სამიტზე უნდა იმყოფებოდეს. გარდა ამისა, რუსეთი „დიდ რვიანში“ უნდა დაბრუნდეს, საიდანაც ის გარიცხული იყო. ჩვენ გვჭირდება რუსეთი მოლაპარაკებების მაგიდასთან“, - განაცხადა დონალდ ტრამპმა.