სოფიო ქაცარავა - მჯერა, რომ საუკეთესო გზა კონფლიქტის მოსაგვარებლად არის საერთო ძალისხმევით სამშვიდობო პოლიტიკის განხორციელება

სერბეთ-საქართველოს ურთიერთობების ისტორიაში საქართველოს დამოუკიდებლობის და პირველი რესპუბლიკის იუბილისადმი მიძღვნილი ღონისძიება ბელგრადში პირველად გაიმართა, რომელსაც პარლამენტის თავმჯდომარე და წევრები, მთავრობის, სამოქალაქო საზოგადოების და ბიზნეს საზოგადოების წარმომადგნელები ესწრებოდნენ, - ამის შესახებ „ინტერპრესნიუსს“ საქართველოს პარლამენტიდან აცნობეს.

„მჯერა, რომ საუკეთესო გზა კონფლიქტის მოსაგვარებლად არის საერთო ძალისხმევით სამშვიდობო პოლიტიკის განხორციელება, რაც ჩვენი უმთავრესი პრიორიტეტია. ევროპის სტაბილურობისა და მშვიდობის დამყარების პროცესში გამოწვევების ფონზე, უნდა გვესმოდეს, რომ საქართველოს სუვერენიტეტი, უსაფრთხოება და სტაბილურობა, რეგიონის და ევროპის უსაფრთოხების და სტაბილურობის წინაპირობაა", - განაცხადა სოფიო ქაცარავამ.

საპარლამენტო დელეგაციის ხელმძღვანელმა სტუმრებს სიტყვით მიმართა, სადაც საქართველოს დამოუკიდებლობიდან დღემდე ჩვენი ქვეყნის მიერ განვლილ გზაზე, დემოკრატიზაციის პროცესზე და განხორციელებულ რეფორმებზე, საქართველოს ევროკავშირთან დაახლოებასა და საქართველო-სერბეთის ურთიერთობებზე ისაუბრა.

„მოხარული ვარ, რომ მომეცა საშუალება მიმემართა ჩვენი სერბი მეგობრებისთვის და მესაუბრა ჩვენს დემოკრატიულ რეფორმებზე, ოკუპირებულ ტერიტორიებზე არსებულ ვითარებაზე, ქვეყნის ევროპულ მისწრაფებებზე, საქართველოში მიმდინარე მნიშვნელოვან პროცესებზე და ორმხრივ ურთიერთობებზე. ის, რომ აღნიშნული ღონისძიება პირველად ჩატარდა სერბეთში, საქართველო-სერბეთის ურთიერთობების გაღრმავების ნათელი გამოხატულებაა. იმედი მაქვს, რომ ჩვენი საპარლამენტო ვიზიტი კიდევ ერთი წინგადადგმული ნაბიჯი იქნება ჩვენს ორმხრივ ურთიერთობებში“, - განაცხადა სოფიო ქაცარავამ.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 16.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ოფისი განახლებულ ჭავჭავაძეზე, ბიზნეს-ცენტრ პიქსელში
საქართველოში მინა-პაკეტის დამზადების ხარისხის კონტროლი ჩატარდა
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა