გომბორზე, მომხდარი ავტოსაგზაო შემთხვევის გამო, თბილისის მიმართულებით მოძრაობა აკრძალულია. საპატრულო პოლიცია გომბორზე მიმავალ ავტომანქანებს გზის გაგრძელების საშუალებას არ აძლევს.

როგორც „ინტერპრესნიუსის“ კორესპონდენტი ადგილიდან იუწყება, დაშავებულების ამოყვანის ოპერაცია ამ წუთებშიც მიმდინარეობს.

ავტოსაგზაო შემთხვევა დღეს დილით მოხდა. მიკროავტობუსი, რომელსაც თბილისიდან კახეთში ბავშვები ექსკურსიაზე მიყავდა, ხევში გადავარდა. დაღუპულია ოთხი ადამიანი, დაშავებულია 10-მდე.