ხვალ, დაგეგმილ აქციას, რა თქმა უნდა, ვუერთდები - ჩემი თხოვნაა ქართული საზოგადოებისადმი, რომ ყველა დავდგეთ ფეხზე უსამართლობის წინააღმდეგ, - ამის შესახებ ხორავას ქუჩაზე მოკლული მოზარდის დავით სარალიძის მამამ ზაზა სარალიძემ ხვალ, 16:00 საათზე დაგეგმილ აქციასთან დაკავშირებით განაცხადა. მისივე თქმით, პრემიერ-მინისტრთან შეხვედრისას 10 ივნისამდე დასაკავებელ პირთა ჩამონათვალი გააკეთა, თუმცა ისინი ამ დრომდე არ არიან დაკავებული.

"კონკრეტულ პირებს ახლა არ დავასახელებ, რადგან ზოგი არასრულწლოვანია და არ დავარღვევ კანონმდებლობას. პრემიერს კონკრეტული პირების ჩამონათვალი აქვს და ეს არის საკმაოდ გრძელი სია. მათ შორის არიან პროკურატურის თანამშრომლები, საგამოძიებო ჯგუფის წევრები, ვინც მონაწილეობდა საქმის გაყალბებაში, ყველა დასაკავებელია", - განაცხადა ზაზა სარალიძემ.