რუსეთის მოქალაქე, პარაპლანით მფრინავი ფეოდორ ჩელიშევი - არანაირი შეხება არ მაქვს პოლიტიკოსებთან და რაც მოხდა, ბიზნესინტერესების გადაკვეთა იყო

რუსეთის მოქალაქე, პარაპლანით მფრინავი ფეოდორ ჩელიშევი, რომელსაც 9 ივნისს გუდაურში სცემეს, აცხადებს, რომ კონფლიქტი არა პოლიტიკას, არამედ ბიზნესს უკავშირდება. ის საქართველოს ხელისუფლებას მოუწოდებს დაინტერესდეს ფაქტით, რომ გუდაურში საერთაშორისო ტრასას კრიმინალური დაჯგუფება აკონტროლებს.

„მინდა გამოვეხმაურო იმ სპეკულაციებს, რომელიც ამ ჩხუბის გარშემო ატყდა, თითქოსდა ჩხუბი პოლიტიკურ ნიადაგზე მოხდა. მე არანაირი შეხება არ მაქვს პოლიტიკოსებთან და ის, რაც მოხდა, ბიზნესინტერესების გადაკვეთა იყო. ბიჭები ამ სოფლიდან იგივე საქმით, ანუ პარაპლანის ფრენით არიან დაკავებულები. მათ მე და სხვა პარაპლანისტებს აგვიკრძალეს ფრენის განხორციელება. მუქარები მთელი წლის განმავლობაში ისმოდა. მე მომწონს საქართველო და მომწონს გუდაური და კვლავაც ვაპირებ ტურისტებთან მუშაობას. ინციდენტის დროს კი მათთან მივედი და ვიკითხე, რატომ გადაკეტეს საფრენთან გასასვლელი. ამ დროს მოხდა ჩემზე თავდასხმა. ნუ ისაუბრებთ პოლიტიკაზე, ისაუბრეთ იმაზე, რომ საერთაშორისო ტრასაზე კონტროლს კრიმინალური დაჯგუფება ახორციელებს. ვფიქრობ, მომხდარით საქართველოს მთავრობა უნდა დაინტერესდეს. ეს ქვეყნის იმიჯზეც ცუდად მოქმედებს“, - განაცხადა ფეოდორ ჩელიშევმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს