ვლადიმერ პუტინი - „დიდი რვიანი“ ჩვენ არ დაგვიტოვებია, თავის დროზე ჩვენი კოლეგები მოსკოვში არ ჩამოვიდნენ ჯგუფის სამიტზე, მოხარულნი ვიქნებით ისინი მოსკოვში ვიხილოთ

რუსეთის პრეზიდენტმა ვლადიმერ პუტინმა რუსეთის „დიდ რვიანში“ დაბრუნების პერსპექტივები შეაფასა. მისი თქმით, რუსეთს არ დაუტოვებია აღნიშნული ჯგუფი და „დიდი შვიდეულის“ ლიდერებს მოსკოვში ელის. ამის შესახებ ვლადიმერ პუტინმა შანხაის თანამშრომლობის ორგანიზაციის სამიტის დასრულების შემდეგ განაცხადა.

„რაც შეეხება რუსეთის დაბრუნებას „დიდ შვიდეულში“, „დიდ რვიანში“, ჩვენ არ დაგვიტოვებია და არ გამოვსულვართ ამ ჯგუფიდან. თავის დროზე ცნობილი მიზეზების გამო ჩვენი კოლეგები მოსკოვში არ ჩამოვიდნენ ჯგუფის სამიტზე. ჩვენ მოხარულნი ვიქნებით ისინი მოსკოვში ვიხილოთ“, - განაცხადა რუსეთის პრეზიდენტმა.

ვლადიმერ პუტინმა ასევე აღნიშნა, რომ სახეზეა შიდა პრობლემების არსებობა „დიდი შვიდეულის“ ჯგუფის წევრებს შორის.

8 ივნისს კანადაში „დიდი შვიდეულის“ სამიტზე გამგზავრებამდე ჟურნალისტებთან საუბარში დონალდ ტრამპმა განაცხადა, რომ რუსეთი კვლავ უნდა გახდეს „დიდი რვიანის“ წევრი. „ეს იყო „დიდი რვიანი“, ვინაიდან რუსეთი იქ იყო. მე მიყვარს ჩვენი ქვეყანა. იცით, რომ რუსეთის კოშმარი ვიყავი. თუმცა, რუსეთი უნდა იყოს ამ შეხვედრაზე. რატომ ვატარებთ ამ სამიტს რუსეთის გარეშე? გარდა ამისა, რუსეთი „დიდ რვიანში“ უნდა დაბრუნდეს, საიდანაც ის გარიცხული იყო. ჩვენ გვჭირდება რუსეთი მოლაპარაკებების მაგიდასთან“, - განაცხადა დონალდ ტრამპმა.

„დიდი შვიდეული“ (G-7) ეკონომიკურად განვითარებული ქვეყნების გაერთიანებაა. რუსეთი მისი წევრი 1998 წელს გახდა, თუმცა 2014 წელს ყირიმის მოვლენების შემდეგ ამ გაერთიანებიდან გაირიცხა.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 16.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ოფისი განახლებულ ჭავჭავაძეზე, ბიზნეს-ცენტრ პიქსელში
საქართველოში მინა-პაკეტის დამზადების ხარისხის კონტროლი ჩატარდა
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა