სერგი კაპანაძე - საგამოძიებო კომისია პირველ რიგში დაზარალებულებს შეხვდება, შემდეგ სხდომებზე კი, ყოფილ და მოქმედ მაღალჩინოსნებს დაიბარებს

საგამოძიებო კომისია პირველ რიგში დაზარალებულებს შეხვდება, ხოლო შემდეგ სხდომებზე ყოფილ და მოქმედ მაღალჩინოსნებს დაიბარებს, - ამის შესახებ ხორავას ქუჩაზე მომხდარ მკვლელობის საქმესთან დაკავშირებით პარლამენტში შექმნილი დროებითი საგამოძიებო კომისიის თავმჯდომარემ სერგი კაპანაძემ განაცხადა.

“პირველი სხდომა გვექნება 13 ივნისს, სადაც გამოვაქვეყნებთ კომისიის სხდომების გრაფიკს და შემიძლია წინასწარ გითხრათ, რომ მომავალ კვირას სხდომები გვექნება პრაქტიკულად ყოველ დღე. ინტენსიურად ვიმუშავებთ და ამ შეხვედრებზე დავიბარებთ ადამიანებს. ოთხშაბათსვე გამოვაქვეყნებთ სიას იმ ადამიანებისა, რომლებსაც შემდეგ კვირაში მოუწევთ ახსნა-განმარტებების მიცემა. ჩვენ პირველ რიგში გვექნება შეხვედრები დაზარალებულ მხარესთან, ამის შემდეგ კი გვექნება შეხვედრები როგორც პროკურატურის, ისე შს სამინისტროს თანამშრომლებთან. ჩვენ სავარაუდოდ დავიბარებთ ყველა ადამიანს, ვისაც ამ საქმესთან ჰქონდა შემხებლობა და არც ერთი ადამიანი, ყოფილი თუ მოქმედი მაღალჩინოსანი არ იქნება დაზღვეული კომისიაზე მოსვლისგან“, - განაცხადა სერგი კაპანაძემ.

იგი ასევე გამოეხმაურა იმ განცხადებებს, რომელიც კომისიასთან დაკავშირებით გაკეთდა.

„მე მიმაჩნია, რომ ყველა საფუძველი არსებობს, რომ კომისიამ მასალების სრულად გაცნობის შემდეგ დადოს ის დასკვნა, რომლითაც ნათელი მოეფინება ყველაფერს. მინდა ყველა სკეპტიკოსს მოვუწოდო - კომისიის მუშაობას ადევნონ თვალყური, თვითონაც შეიტანონ წვლილი თუ შეუძლიათ და არ გამოვიდნენ მარტო ვიწროპარტიული ინტერესებიდან. როგორც იტყვიან - “ჩვენმა საქმეებმა წარმოგვაჩინონ“, - განაცხადა კაპანაძემ.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან