საქართველოს წითელი ჯვრის საზოგადოებამ 100 წლის იუბილესთან დაკავშირებით, ჯოენის სახელობის სამედიცინო ცენტრის სისხლის ბანკისა და მ. იაშვილის ბავშვთა ცენტრალურ საავადმყოფოსთან არსებული სისხლის ბანკის მხარდაჭერით, კომპანია კარფურთან ერთად აქცია „გაიღე სისხლი, გადაარჩინე სიცოცხლე“ მოაწყო.
ამის შესახებ „ინტერპრესნიუსს“ საქართველოს წითელი ჯვრის საზოგადოებიდან აცნობეს.
მათივე ინფორმაციით, კომპანია „კარფურის“ თანამშრომლებმა საქართველოს წითელი ჯვრის მოხალისეებთან ერთად აქტიური მონწილეობა მიიღეს ქვეყანაში არსებული სისხლის მარაგის უანგაროდ შევსებაში.
წითელი ჯვრის საზოგადოების ცნობით, აქციის ფარგლებში ასევე მოეწყო პირველი დახმარების საჯარო ჩვენება,სადაც დაინტერესებულ პირებს შესაძლებლობა ჰქონდათ მიეღოთ თეორიული და პრაქტიკული ცოდნა პირველი დახმარების შესახებ.
საქართველოს წითელი ჯვრის საზოგადოება კომპანია „კარფურის“ თანამშრომლებს გაწეული დახმარებისათვის და აქციაში მონაწილეობის მიღებისთვის მადლობას უხდის.