ლევან ხაბეიშვილი - შსს-ს პროფესიონალიზმი იქამდე მივიდა, რომ თქვეს, ხაბეიშვილი დავაკავეთო და მე აქ ვარ, არც ერთი წუთით ტერიტორიიდან არ გავსულვარ

შინაგან საქმეთა სამინისტროს პროფესიონალიზმი იქამდე მივიდა, რომ ნიკა მელიაზე თქვეს არ დაგვიკავებიაო და ათობით კამერამ გადაიღო, როგორ წაათრიეს და ჩატენეს მანქანაში, ხაბეიშვილი დავაკავეთო და აქ ვარ, არც ერთი წუთით ამ ტერიტორიიდან არ გავსულვარ, - ამის შესახებ "ნაციონალური მოძრაობის" წევრმა, ლევან ხაბეიშვილმა რუსთაველის წინ გამართულ საპროტესტო აქციაზე ჟურნალისტებს განუცხადა. მისი თქმით, შსს-ს ბრიფინგზე წაიკითხეს იმ დაკავებული პირების გვარები, რომელთა სიაც წინასწარ ჰქონდათ გადაცემული.

"შსს-მ სავარაუდოდ წაიკითხა ის სია, რომელიც წინასწარ ჰქონდათ გადაცემული, თუ ვინ უნდა დაეკავებინათ. აღმოჩნდა, რომ ხაბეიშვილზე უთხრეს დააკავეთო და არ დავუკავებივარ. იქ რომ შარვალ-კოსტიუმი ჩაიცვა კაცმა და მოყვა, ხაბეიშვილი დავაკავეო, საიდან და ვინ დაუწერა, რომ მე ვიყავი იმ სიაში, მართლა ვერ გავარკვიე. ეს ხალხი თუ ასე მუშაობს და ასე აპირებს ამ საქმეების გამოძიებას, რა თქმა უნდა ვერასდროს ბოლოში ვერ გავლენ.

აქვე მინდა ვთქვა, რომ საქმე ხაბეიშვილის და მელიას დაკავებაში კი არ არის, არამედ იმაში, რომ კონკრეტული მკვლელები არიან დასასჯელები და მათ რომ მშვიდად სძინავთ სახლში, შვილმკვდარი მამები ღამეს კარავში ათენებენ. შსს-ში კი ბრიყვები რომ არიან, დადასტურდა", - განაცხადა ლევან ხაბეიშვილმა.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა