ზაზა სარალიძე - სურვილის შემთხვევაში სოლიდარობის აქციები გაგრძელდება, პარალელურად დავაანონსებთ ცენტრალურ აქციას

სურვილის შემთხვევაში სოლიდარობის აქციები გაგრძელდება, - ამის შესახებ ზაზა სარალიძემ ჟურნალისტებთან საუბრისას განაცხადა. მისი თქმით, პირადად ის ერთკვირიან ტაიმ-აუტს იღებს, რადგან დროის სიმცირის გამო შესაძლოა აქციებზე თავად ვერ მივიდეს.

თუმცა, სარალიძე არ გამორიცხავს, რომ ამ ერთი კვირის განმავლობაში ვითარება შეიცვალოს. "სურვილის შემთხვევაში სოლიდარობის აქციები გაგრძელდება. პარალელურად დავაანონსებთ ცენტრალურ აქციას. იმ შემთხვევაში, თუ მე გამოძიების საკითხებში არ ვიქნები ჩართული, დავესწები აქციებს", - განაცხადა სარალიძემ.

მისივე თქმით, ის ხვალ, 11:00 საათზე შსს-ს გენინსპექციაში მივა სამართალდამცველთა მხრიდან განხორციელებულ ქმედებებზე სასაუბროდ. "დღეს რა ფაქტებიც დაფიქსირდა, ამასთან დაკავშირებით მინდა მივადევნო გამოძიებას თვალყური, რათა ყველა პოლიციელი დაისაჯოს, თუნდაც ჩემზე და ზვიად კუპრავაზე სასამართლოში მომხდარი ზეწოლის გამო. ამ საკითხზე გენინსპექციაში დაბარებული ვარ. სარბენი ვიქნები აქეთ-იქით, რათა ჩემი მეთვალყურეობის ქვეშ წარიმართოს გამოძიება. ხვალ დილით მე დაბარებული ვარ გენინსპექციაში 11 საათზე. ასე რომ, თუ ვინმეს უნდა საპროტესტო აქცია გაგრძელდეს, აქციები გაგრძელდება და მე შეძლებისდაგვარად მოვალ აქციებზე", - აღნიშნა ზაზა სარალიძემ.

მისივე თქმით, ის მომავალი ერთი კვირის განმავლობაში დროსაც მისცემს ხელისუფლებას მისი მოთხოვნების დასაკმაყოფილებლად. "მოთხოვნები იგივე რჩება. ამასთან, გონივრული დროც მინდა მივცე ხელისუფლებას, რადგან შს მინისტრის და იუსტიციის მინისტრების გადადგომას ვითხოვ. თუ ჩავთვლი საჭიროდ, არაა გამორიცხული მასშტაბური აქცია გაიმართოს", - განაცხადა ზაზა სარალიძემ.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა