ძლიერი წვიმის შედეგად გლდანის რაიონში პრობლემები შეიქმნა. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ამ დროისთვის დატბორილია „ახმეტელის მეტროს“ შესასვლელი. მიმდინარეობს წყლის ამოტუმბვითი სამუშაოები. გლდანის რაიონში ასევე დაფიქსირდა კიდევ ერთი გამოძახება საცხოვრებელ კორპუსში, რომლის სარდაფიც დაიტბორა და სამაშველო სამსახურმა წყლის ამოტუმბვითი სამუშაოები განახორციელა.

საგანგებო სიტუაციების მართვის სამსახურში აღნიშნავენ, რომ გზის საავტომობილო მონაკვეთზე მომატებულია წყლის დონე, რის გამოც, ავტომობილები შეფერხებით მოძრაობენ. ამ დროის მონაცემებით, საქართველოს მასშტაბით უამინდობასთან დაკავშირებით სხვა გამოძახებები არ ფიქსირდება.

მძიმე სიტუაცია "ახმეტელის მეტროსთან" - დატბორილია მიმდებარე ტერიტორია