საგანგებო სიტუაციების მართვის სამსახურის ინფორმაციით, თბილისში, ნუცუბიძის 3მ/რ-ში კორპუსის წყლის კოლექტორის მწყობრიდან გამოსვლის გამო დაზიანდა საძირკველი და დაიტბორა ავტოფარეხი.
უწყების ცნობით, მეხანძრე-მაშველებმა უსაფრთხოების მიზნით მოახდინეს მოსახლეობის ევაკუაცია და წყლის ნიაღვარს ტომრების საშუალებით კალაპოტი შეუცვალეს.
მათივე ინფორმაციით, შემთხვევის შედეგად არავინ დაშავებულა.
ადგილზე იმყოფებოდა საგანგებო სიტუაციების მართვის სააგენტოს ხელმძღვანელი ალექსანდრე ხვადაგიანი.