ირაკლი კობახიძე - მეხანძრე-მაშველები თანამედროვე გმირები არიან, რასაც ყოველდღე ამტკიცებენ

პარლამენტის თავმჯდომარემ, ირაკლი კობახიძემ მეხანძრე - მაშველებს პროფესიული დღე მიულოცა. ამის შესახებ განცხადებას პარლამენტის პრესსამსახური ავრცელებს.

„ჩვენს გმირ, უშიშარ და საამაყო მეხანძრე-მაშველებს ვულოცავ პროფესიულ დღეს. ეს ის ადამიანები არიან, ვისთვისაც სხვისი სიცოცხლე და ჯანმრთელობა საკუთარ სიცოცხლესა და ჯანმრთელობაზე წინ დგას, ვისთვისაც არ არსებობს ხიფათი, რომელსაც შეუშინდებიან მაშინ, როდესაც მათი დახმარება სხვას სჭირდება. ისინი თანამედროვე გმირები არიან და ამას ყოველდღე ამტკიცებენ.

მათი გმირობის ნათელი მაგალითია მეხანძრე-მაშველი ზურაბ მუზაშვილი, რომელმაც 13 ივნისის სტიქიის ღამეს, საკუთარი სიცოცხლის ფასად, 7 ადამიანი გადაარჩინა სიკვდილს. საქართველოს პარლამენტის სახელით, ქედს ვიხრი მისი და სამსახურებრივი მოვალეობის შესრულების დროს დაღუპული თითოეული მეხანძრე-მაშველის ნათელი ხსოვნის წინაშე.

საქართველოს პარლამენტის სახელით, მადლობას გიხდით თქვენი პროფესიონალიზმისთვის, თქვენი ღირსეული საქმის ასეთი სიყვარულისთვის, თავგანწირვისა და გმირობისთვის“, - ნათქვამია პარლამენტის თავმჯდომარის განცხადებაში.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს