აჭარის უმაღლესი საბჭოს წევრები - დავით ბაციკაძე და ვახტანგ წულაძე, ესპანეთში, ქალაქ ბილბაოში, CEMR-ის საერთაშორისო კონფერენციაში მონაწილეობენ, - ამის შესახებ “ინტერპრესნიუსს“ აჭარის ავტონომიური რესპუბლიკის უმაღლესი საბჭოს პრესსამსახურმა აცნობა.

მათი ინფორმაციით, საერთაშორისო ფორუმი თანასწორობის, მრავალფეროვნებისა და ჩართულობის მიმართულებით მომუშავე ადგილობრივი, რეგიონული უწყებებისა და საერთაშორისო ორგანიზაციების წარმომადგენლებს აერთიანებს.

ბილბაოს კონფერენციის მონაწილეები 3 დღის განმავლობაში ისეთ მნიშვნელოვან საკითხებს განიხილავენ, როგორებიცაა: საჯარო მმართველობა, ადამიანური რესურსების მართვა და დასაქმება.

აჭარის უმაღლესი საბჭოს ინფორმაციით, კონფერენცია 13 ივნისს დაასრულდება.