პარლამენტის თავმჯდომარის პირველი მოადგილე, თამარ ჩუგოშვილი იერუსალიმს ეწვია, სადაც ამერიკულ-ებრაული კომიტეტი (AJC American Jewish committee) ისრაელის სახელმწიფოს შექმნის 70 წლის იუბილესთან დაკავშირებით გლობალურ ფორუმს მართავს, - ამის შესახებ “ინტერპრესნიუსს“ პარლამენტის პრესსამსახურმა აცნობა.

მათი ინფორმაციით, თამარ ჩუგოშვილი ფორუმის მონაწილეებთან საქართველო ისრაელის ურთიერთობებზე, შავი ზღვისა და კავკასიის რეგიონში უსაფრთხოების საკითხებზე, რუსეთის მიერ საქართველოს ოკუპაციასა და საქართველოსა და აშშ-ს შორის ურთიერთობებზე ისაუბრებს.