თბილისის მერიის ინფრასრუქტურის განვითარების საქალაქო სამსახურის უფროსი გაგი ბუაძე გახდა. თბილისის საკრებულოს დღევანდელ სხდომაზე მის კანდიდატურას მხარი 31 დეპუტატმა დაუჭირა. საკითხი სხდომაზე განსახილველად თბილისის მერის მოადგილემ ირაკლი ბენდელიანმა წარმოადგინა. როგორც სხდომაზე ითქვა, აღნიშნული თანამდებობა გარკვეული პერიოდით ვაკანტური იყო.

ბენდელიანის თქმით, გაგი ბუაძე რეგიონული განვითარებისა და ინფრასტრუქტურის სამინისტროში მუნიციპალური განვითარების ფონდს ხელმძღვანელობდა. მისი მუშაობის პერიოდში განხორციელდა წყნეთი-ბეთანიის გზის მონაკვეთის აღდგენა და მეტროპოლიტენ "უნივერსიტეტის" ახალი სადგურის მშენებლობა.

ბენდელიანი დარწმუნებულია, ბუაძის გამოცდილებაში და საკრებულოს დეპუტატებისგან მხარდაჭერა ითხოვა.