აშშ-ის პრეზიდენტის დონალდ ტრამპის განცხადებით, მას სჯერა ჩრდილოეთ კორეის ლიდერის, კიმ ჩენ ინის, რომ ის სრული დენუკლეარიზაციისკენ ისწრაფვის, მაგრამ არ გამორიცხავს, რომ ეს შეიძლება შეიცვალოს. ამის შესახებ თეთრი სახლის ლიდერმა ტელეკომპანია „ABC“-სთან ინტერვიუში განაცხადა, რომელიც სინგაპურში ჩრდილოეთ კორეის ლიდრთან გამართულ მის შეხვედრას ეხებოდა.
„მჯერა, რომ მას ამის გაკეთება სურს. მე მისი მჯერა, მას კი ჩემი, მაგრამ ხომ შემიძლია დავბრუნდე თქვენთან ერთი წლის შემდეგ და გითხრათ, რომ შეცდომა დავუშვი - ეს ყოველთვის შესაძლებელია, ბევრი რამ არის შესაძლებელი, ბევრი რამ შეიძლება შეიცვალოს“, - აღნიშნა ტრამპმა.
მანვე დასძინა, რომ აშშ ყურადღებით მიადევნებს თვალს დენუკლეარიზაციის პროცესს კორეის ნახევარკუნძულზე.