გეგმური პროფილაქტიკური სამუშაოების გამო ნაძალადევისა და საბურთალოს რაიონების მოსახლეობის ნაწილს 14 ივნისს ელექტრომომარაგება დროებით შეეზღუდება. როგორც „ინტერპრესნიუსს“ კომპანია „თელასიდან“ აცნობეს, საბურთალოს რაიონში 11:00 საათიდან 18:00 საათამდე შეზღუდვა შეეხება პეკინის გამზირის (ნაწილობრივ) მცხოვრებლებს.
ნაძალადევის რაიონში 12:00 საათიდან 15:00 საათამდე შეზღუდვა შეეხება: ცოტნე დადიანის (ნაწილობრივ), ხუდადოვის, მანჯგალაძის, მახალდიანის და ზაქრაძის ქუჩების მცხოვრებლებს.
„კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება,” - ნათქვამია კომპანიის ინფორმაციაში.