ირაკლი კობახიძე - პრეზიდენტს მოვუწოდებ სიმშვიდისკენ

მოვუწოდებ პრეზიდენტს სიმშვიდისკენ. აღვნიშნავ, რომ გაგრძელდება ჩვენი ქვეყნის სტაბილური და ღირსეული განვითარება, - ამის შესახებ საქართველოს პარლამენტის თავმჯდომარემ ირაკლი კობახიძემ ბათუმში მიმდინარე მე-15 საერთაშორისო კონფერენციაზე „საქართველოს ევროპული გზა“ სიტყვით გამოსვლისას განაცხადა.

კობახიძემ აღნიშნა, რომ საქართველოში არის საპარლამენტო მმართველობის სისტემა და ახალ პრემიერ-მინისტრს, კონსტიტუციის თანახმად, საპარლამენტო უმრავლესობა დაასახელებს და მთავრობაში საკადრო ცვლილებების მიუხედავად, ქვეყნის განვითარება გაგრძელდება.

„მე არ მინდოდა დღეს მესაუბრა სამთავრობო ცვლილებებზე, რომელიც ხორციელდება ჩვენს ქვეყანაში. ეს არ არის იმ ფორმატის შემადგენელი ნაწილი, რა ფორმატშიც დღევანდელი კონფერენცია იმართება, თუმცა პრეზიდენტის გამოსვლის შემდეგ, თავს მოვალედ მივიჩნევ, ორიოდე სიტყვა მოგახსენოთ ამასთან დაკავშირებით... საქართველო არის საპარლამენტო რესპუბლიკა. საქართველო არის მაღალი სტანდარტებით ჩამოყალიბებული დემოკრატიული სახელმწიფო და აქ სახელმწიფო იმართება სწორედ ამ სტანდარტების შესაბამისად. სამთავრობო ცვლილებების პირობებში ჩვენთვის მთავარია სწორედ სტაბილური ცვლილებების უზრუნველყოფა. გასული 6 წლის განმავლობაში ჩვენმა ქვეყანამ მიაღწია ფუნდამენტურ პროგრესს ყველა მიმართულებით და ეს ხდებოდა სხვადასხვა პრემიერ-მინისტრის მმართველობის პირობებში. პრემიერ-მინისტრების ცვლა, მთავრობების ცვლა არ იწვევდა ქვეყნის ძირითადი კურსიდან გადახვევას და იმ პროგრესული მიმართულებიდან გადახვევას, რომლისკენაც ჩვენმა ქვეყანამ 2012 წლის შემდეგ აიღო გეზი“, - განაცხადა კობახიძემ.

მისი თქმით, ამ პროგრესის კონკრეტული ხელშესახები შედეგია ქვეყნის დემოკრატიული განვითარება.

„2012 წლამდე საქართველო არ იყო დემოკრატიული სახელმწიფო, ავტოკრატიული მეთოდების გამოყენებით იმართებოდა. ჩვენ ეს პრაქტიკა შევცვალეთ რადიკალურად, რაც ნიშნავს, რომ ქვეყანა იმართება ხელისუფლების დანაწილების პრინციპის შესაბამისად, საქართველოში დამკვიდრდა დახვეწილი საპარლამენტო მმართველობის სისტემა და რადიკალურად, დრამატულად გაიზარდა ადამიანის უფლებების დაცვის ხარისხი. ეს არის საპარლამენტო მმართველობა, სადაც სამთავრობო ცვლილებების არის ნორმალური მოვლენა. დემოკრატია, ეკონომიკა, სოციალური მიმართულებება, საგარეო პოლიტიკა - ყველა მიმართულებით გვაქვს ფუნდამენტური პროგრესი და ეს არის მმართველი ძალის დამსახურება. სხვადასხვა მთავრობის პირობებში „ქართული ოცნება“ ყოველთვის ახერხებდა ფუნდამენტური წინსვლის მიღწევას და ეს წინსვლა იქნება უზრუნველყოფილი შემდეგი მთავრობის პიროებებში, ახალი პრემიერ-მინისტრის პირობებში, რომელსაც საქართველოს კონსტრიტუციის თანახმად, საპარლამენტო უმრავლესობა დაასახელებს“, - განაცხადა კობახიძემ.

საქართველოს პრეზიდენტმა გიორგი მარგველაშვილმა კონფერენციაზე „საქართველოს ევროპული გზა“ სიტყვით გამოსვლისას სამთავრობო ცვლილებებზე ისაუბრა. „მასკარადი, როდესაც ინიშნებიან ადამიანები და რეალურად გადაწყვეტილების მიმღები არის თურმე პარტია, ავნებს საქართველოს, მის ევროპულ არჩევანს და ავნებს საქართველოს სტაბილურობას“, - განაცხადა გიორგი მარგველაშვილმა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)