აზერბაიჯანელთა ეროვნული კონგრესი პროკურატურას მიმართავს, მარნეულის მერის და მასთან ერთად ბრალდებული პირების მიმართ პატიმრობა არ გამოიყენოს

აზერბაიჯანელთა ეროვნული კონგრესი საქართველოს პროკურატურას და საგამოძიებო უწყებებს მიმართავს, ქალაქ მარნეულის მერის და მასთან ერთად ბრალდებული პირების მიმართ არ გამოიყენონ პატიმრობა.

როგორც ჟურნალისტებს აზერბაიჯანელთა ეროვნული კონგრესის თავმჯდომარე ალი ბაბაევმა განუცხადა, საჭიროა, ხელისუფლებამ გაითვალისწინოს სხვადასხვა ფაქტორი და ბრალდებულთა მიმართ ნაკლებად მძიმე სადამსჯელო ღონისძიებები გაატაროს.

„მივმართავთ სამართლადმცველებსა და პროკურატურას, დაკავებულ პირებს პატიმრობა შეეცვალოთ ნაკლებად მძიმე სადამსჯელო ღონისძიებებით, გირაოთი ან შინაპატიმრობით. მომხდარი ფაქტის დროს გასათვალისწინებელია რამდენიმე ფაქტობრივი გარემოება, კერძოდ ის, რომ ჩვენ კავკასიელები ვართ და ჩვენთვის მიუღებელია გინება და შეურაცხყოფა. მე მომხდარ ფაქტში ვხედავ კლანების გავლენას“, – განაცხადა ალი ბაბაევმა.

მისი თქმით, იმ შემთხვევაში თუ არ მოხდება მათი თხოვნის გათვალისწინება, აზერბაიჯანელთა ეროვნული კონგრესი მზად არის დაიწყოს ხელმოწერების შეგროვება. ასევე, ალი ბაბაევი არ გამორიცხავს საპროტესტო აქციებს, როგორც თბილისში, ასევე მარნეულში.

მარნეულის მერი თემურ აბაზოვი გუშინ დააკავეს. მას ბრალის დამტკიცების შემთხვევაში, 5-დან 10 წლამდე ვადით თავისუფლების აღკვეთა ემუქრება.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს