თბილისში, ქართველიშვილის ქუჩაზე მოკლულ ახალგაზრდა მამაკაცს სასიკვდილო ჭრილობები სახის არეში, სავარაუდოდ, სამშენებლო იარაღით აქვს მიყენებული. ამის შესახებ "ინტერპრესნიუსს" შემთხვევის ადგილთან მდებარე ერთ-ერთი მაღაზიის გამყიდველმა განუცხადა. მისი თქმით, დილით სამსახურში მისვლისას გვერდით მდებარე კორპუსთან, სადაც სარემონტო სამუშაოები მიმდინარეობს, პოლიციის ეკიპაჟი შენიშნა, რა დროსას მკვლელობის შესახებ შეიტყო.

მისივე თქმით, ორ მამაკაცს, რომელთაგან ერთ-ერთი ქართველიშვილის ქუჩის მცხოვრებია, სავარაუდოდ ურთიერთშელაპარაკება მოუვიდათ, რაც ჩხხუბში გადაიზარდა.

„დილით, 07:30 საათზე შევნიშნე, საპატრულო პოლიცია და გავიგე, რომ ახალგაზრდა მამაკაცი არის გარდაცვლილი. შემთხვევა დაახლოებით, 05:00 საათიდან 06:00 საათის შუალედში მოხდა. როგორც ჩანს, სახე ჰქონდა დაზიანებული რაღაც ბლაგვი საგნებით. აქ რემონტი მიმდინარეობს“, -განაცხადა მოვაჭრემ.